У Польшчы хочуць стварыць «Акадэмію HIMARS»
18.04.2023 / 19:54
Міністр абароны Польшчы Марыюш Блашчак напісаў у твітары пра намер стварыць у сваёй краіне «Акадэмію HIMARS».
«Мы хочам, каб у Польшчы была створаная «Акадэмія HIMARS», дзе будуць праходзіць трэніроўкі па выкарыстанні гэтай артылерыйскай сістэмы. Сёння ў Торуні праходзіць канферэнцыя European Rocket Artillery Summit, на якой будуць абмяркоўвацца дэталі гэтага праекта», — напісаў Блашчак.
Міністр абароны дадаў, што першыя сістэмы HIMARS будуць пастаўленыя ў Польшчу ў канцы года. Яшчэ ў 2019 годзе краіна замовіла ў ЗША 500 пускавых установак HIMARS, і Кангрэс ЗША ўхваліў гэтую заяўку.
Чытайце таксама:
У Мінабароны заявілі аб гатоўнасці да барацьбы з «занадта разрэкламаванай» HIMARS і БПЛА
У сацсеткі трапілі планы ЗША і НАТА па падрыхтоўцы ўкраінскага наступу