Памёр адзін з найбагацейшых людзей Беларусі Павел Шумілаў
8.07.2023 / 21:43
56-гадовага заснавальніка «Таіра» не стала ў мінулую нядзелю.
Як паведамілі «Нашай Ніве» знаёмыя сям'і, тыдзень таму памёр Павел Шумілаў, адзін з самых паспяховых беларускіх бізнэсменаў 1990-х.
Заснаваны ім шматпрофільны холдынг «Таір» займаўся пастаўкамі прадуктаў і тэхнікі. У яго былі свае крамы, аптэкі, камерцыйная нерухомасць ды іншае.
Праз яго ў Беларусь траплялі знакамітыя тэхнічныя брэнды, як HP і Samsung. «Таір» прадаваў камп'ютары ўласнай зборкі пад брэндам NTT.
Пабудаваны «Таірам» аднайменны гандлёвы цэнтр у 1995-м на той момант стаў самым сучасным і перадавым аб'ектам падобнага роду ў Беларусі.
Павел Шумілаў ніколі не быў публічным чалавекам. Нарадзіўся ён у 1966 годзе.
Прычынай смерці называюць тромб.
Паўла Шумілава крэміравалі.