ХАМАС прыгразіў сёння ўзарваць Ашкелон
10.10.2023 / 16:44
Групоўка напісала ў сваім тэлеграм-канале, што жыхары гэтага горада павінны пакінуць яго да 17:00 па мясцовым часе (гэта значыць, у іх ёсць яшчэ 16 хвілін).
Фота: Yousef Masoud / AP
ХАМАС у адказ на ўдары Ізраіля па сектары Газа прыгразіў сёння атакаваць горад Ашкелон.
Групоўка напісала ў сваім тэлеграм-канале, што жыхары гэтага горада павінны пакінуць яго да 17:00 па мясцовым часе (гэта значыць, у іх ёсць яшчэ 16 хвілін).
Па даных ізраільскіх вайскоўцаў, з суботы з сектара Газа па Ізраілі было выпушчана ўжо больш за 4 500 ракет.
Таксама ХАМАС заклікаў арабскі і мусульманскі свет да «ўсеагульнай мабілізацыі» ў падтрымку палесцінцаў у пятніцу, піша Бі-бі-сі.
Маўляў, мэтай мерапрыемства з'яўляецца дэманстрацыя падтрымкі палесцінскага народа «перад абліччам адкрытай ізраільскай ваеннай акупацыі».
ХАМАС таксама заклікаў маладых палесцінцаў на акупаваным Заходнім беразе пачаць канфрантацыю з ізраільскімі салдатамі.