Школьніца зладзіла страляніну ў школе ў расійскім Бранску і забіла сябе
7.12.2023 / 10:7
Паводле папярэдняй інфармацыі РИА Новости, васьмікласніца параніла чатырох хлопчыкаў, забіла аднакласніцу і застрэліла сябе з драбавіка.
Здарэнне адбылося ў бранскай гімназіі №5.
Па даных «Базы», вучаніца 8 «А» класа адкрыла агонь падчас урока біялогіі. Яна паднялася на чацвёрты паверх, увайшла ў кабінет, і адкрыла страляніну.
Дзяўчынка параніла чатырох хлопчыкаў, забіла 13-гадовую аднакласніцу, а потым і сябе.
Прычыны інцыдэнту пакуль невядомыя.