БЕЛ Ł РУС

Колькасць загінулых падчас страляніны ў Празе ўзрасла да 15-ці

21.12.2023 / 20:37

Nashaniva.com

Кіраўнік паліцыі Чэхіі Марцін Вондрашак заявіў, што па стане на вечар 21 снежня колькасць загінулых у выніку страляніны ў Карлавым універсітэце Прагі перавысіла 15 чалавек, а яшчэ 24 знаходзяцца пад наглядам лекараў. Пра гэта Вондрашак сказаў на экстраным брыфінгу, які транслявала Чэшскае тэлебачанне, паведамляе «Еўрапейская праўда».

Фота: Gabriel Kuchta/Getty Images

Па словах кіраўніка чэшскай паліцыі, аперацыя праваахоўнікаў працягваецца. У прыватнасці, яны абследуюць будынак Карлава ўніверсітэта на прадмет магчымай выбухоўкі.

Вондрашак дадаў, што паліцыя мела інфармацыю пра стралка — 24-гадовага мужчыну, які раніцай у чацвер выехаў у Прагу з вёскі Гостунь нібыта з намерам скончыць жыццё самагубствам.

«У вёсцы, з якой ён з'ехаў, знайшлі мёртвага мужчыну, гэта быў бацька нападніка», — сказаў міністр.

Фота: Gabriel Kuchta/Getty Images

Міністр унутраных спраў Чэхіі Віт Ракушан, які таксама быў на брыфінгу, назваў трагедыю ў Празе беспрэцэдэнтнай і такой, што «будзе мець шмат наступстваў».

«Па стане на цяперашні момант няма ніякіх прыкмет таго, што гэты акт мае якую-небудзь сувязь з міжнародным тэрарызмам», — заявіў ён.

Вядома, што ўрад Чэхіі правядзе экстраннае пасяджэнне ў 21:00 (23:00 па Мінску).

Чытайце таксама:

У выніку страляніны ў Празе пацярпелі дзясяткі чалавек, 11 загінулі

У Карлавым універсітэце ў Празе стралялі, ёсць загінулыя

Чытайце таксама:

Каментары да артыкула