Удзельнікаў гурта Nizkiz асудзілі за распаўсюд «экстрэмісцкіх» матэрыялаў

Суд Ленінскага раёна Магілёва разгледзеў адміністрацыйную справу за распаўсюд «экстрэмісцкіх» матэрыялаў (частка 2 артыкула 19.11 КаАП) у дачыненні да затрыманых удзельнікаў групы Nizkiz, пішуць праваабаронцы з Mayday.team.

Вынікі суда невядомыя, але праваабаронцы мяркуюць, што саліст Аляксандр Ільін, бас-гітарыст Сяргей Кульша і бубнач Дзмітрый Халяўкін атрымалі адміністрацыйны арышт.

Музыкі Nizkiz былі затрыманыя раніцай 5 студзеня. На наступны дзень прапагандысты паведамілі пра гэта і выставілі ў сваіх сацсетках кадры затрымання.

Верагодна, Ільіна, Кульшу і Халяўкіна судзілі праз відэасувязь. Пра гэта сведчыць той факт, што на разгляд трох адміністрацыйных спраў суддзі Вользе Паляковай давалася не так шмат часу (першым судзілі Сяргея Кульшу ў 14.45, апошнім — Аляксандра Ільіна ў 15:45).

Чытайце таксама:

Лявон Вольскі: Я выдатна разумею хлопцаў з Nizkiz, бо жыў такім жыццём не адзін год

«Небяспечна, небяспечна, небяспечна…» Беларускі твітар шакаваны затрыманнем музыкаў з Nizkiz

Што за гурт Nizkiz, які амаль у поўным складзе затрымалі ў Магілёве

Каментары да артыкула