Францыя на Еўра-2024 перамагла Бельгію і ідзе далей
1.07.2024 / 20:58
Адбыўся яшчэ адзін матч 1/8 фіналу Еўра-2024, у якім зборная Францыі сышлася са зборнай Бельгіі.
Фота: AP Photo/Martin Meissner
У групавым турніры «трохколерныя» выйгралі толькі стартавы матч у Аўстрыі (1:0), а ў астатніх згулялі ўнічыю з Нідэрландамі (0:0) і Польшчай (1:1).
Да нічыёй у асноўны час ішоў і гэты матч: амаль да самага яго канца на табло свяціліся адныя нулі. Але французы ціснулі, і на 85-й хвіліне такі дамагліся свайго: пасля ўдару Рандаля Кало Муані мяч ад бельгійца Яна Вертонгена зрыкашэціў у вароты.
У чвэрцьфінале французы згуляюць з пераможцам матча Партугалія — Славенія.
Чытайце таксама:
Казка скончылася. Зборная Грузіі пакідае Еўра-2024
Белінгем і Кейн выцягнулі Англію ў чвэрцьфінал
Германія ў 1/4 фіналу. Але для немцаў усё толькі пачынаецца
Італія, пераможца мінулага Еўра, цяпер вылецела ў 1/8 фіналу — 0:2 ад Швейцарыі ВІДЭА