«Зрабіў дурасць»: Байдэн прызнаўся, што ледзь не заснуў на дэбатах з Трампам
3.07.2024 / 8:40
Паводле яго слоў, гэта адбылося з-за змены часавых паясоў напярэдадні дэбатаў, пасля якіх прэзідэнта ЗША заклікалі зняцца з прэзідэнцкай гонкі.
Фота: Gerald Herbert / AP
Прэзідэнт ЗША Джо Байдэн прызнаўся, што амаль заснуў падчас нядаўніх дэбатаў з Дональдам Трампам. Пра гэта прэзідэнт заявіў падчас выступу на мерапрыемстве ў Макліне, штат Вірджынія, паведамляе Reuters.
Як растлумачыў прэзідэнт, яго выступленне падчас прэзідэнцкіх дэбатаў было не лепшым нібыта з-за змены часавых паясоў пасля дзвюх замежных паездак у пачатку чэрвеня.
«Я правёў не самы лепшы вечар, але я зрабіў дурасць. Я здзейсніў некалькі падарожжаў па свеце, прайшоўшы каля 100 часавых паясоў да дэбатаў. Не паслухаў сваёй каманды, і калі вярнуўся, то ледзь не заснуў на сцэне. Гэта не апраўданне, гэта тлумачэнне», — сказаў ён.
Чытайце таксама:
Байдэн не збіраецца здымацца з выбараў і абяцае перамогу нягледзячы на сумневы ў яго здароўі
Прычынай правалу Байдэна на дэбатах мог стаць час, у які гэтыя дэбаты праводзіліся
Трамп упэўнена перамог Байдэна на дэбатах
Трэці кандыдат. У Роберта Кенэдзі-малодшага ўсё больш шанцаў уключыцца ў прэзідэнцкую гонку ў ЗША