Цяпер у Беларусі, каб зрабіць ЭКА, патрэбна даведка ад псіхіятра. З’явіліся і іншыя абмежаванні

Мінздароўя ўнесла змены ў закон «Аб пытаннях прымянення дапаможных рэпрадуктыўных тэхналогій». Што трэба ведаць сем'ям, якія плануюць ЭКА?

Фота: UniversalImagesGroup / Getty Images

Магчымасцяў скарыстацца рэпрадуктыўнымі тэхналогіямі пазбавілі некалькі катэгорый жанчын.

Цяпер сярод супрацьпаказанняў да правядзення штучнага апладнення з’явілася атлусценне другой ступені і больш, а таксама наяўнасць трансплантаваных органаў і тканак.

Раней зрабіць ЭКА маглі сем’і, у якіх адзін з партнёраў быў ВІЧ-інфікаваным (пры невызначальнай віруснай нагрузцы). Але пасля змен у законе такую магчымасць пакінулі толькі для тых пар, дзе ВІЧ-інфікаваным з’яўляецца муж (калі жонка — ЭКА больш не зробяць).

Яшчэ адно новаўвядзенне — абавязковая для жанчын і мужчын кансультацыя ў псіхіятра-нарколага.

Каментары да артыкула