У якіх чатах сядзеў губазікавец Артур Гайко і што там пісаў? 

Днямі мы пісалі пра тое, што супрацоўнік ГУБАЗіКа Артур Гайко — адміністратар найбуйнейшага z-канала з беларускімі каранямі, які называецца «Белорусскій сіловік». Ён жа здолеў раней укараніцца ў праект «Чорная кніга Беларусі». Але Гайко сядзеў і шмат у якіх іншых чатах. У якія ж суполкі ў тэлеграме ўступаў і, лічы, маніторыў Гайко?

Першыя каментары ад Артура Гайко заўважаныя 9 жніўня 2020 года. Тады ён распаўсюджваў інфармацыю з розных прапагандысцкіх рэсурсаў (напрыклад, bloxers, які, імаверна, і вёў ГУБАЗіК).

Каментар Артура Гайко

Абмяркоўваў сілавік таксама Рамана Пратасевіча ў адным з чатаў. Людзі, якія стасаваліся з Гайко пасля яго выкрыцця, сцвярджаюць, што ён выхваляўся, што не ціснуў руку Пратасевічу, бо гэта «зашквар».

Каментар Артура Гайко

Адзін з адметных каментароў датычыць спрэчкі ў чаце «Жодзіна для жыцця». Тут Гайко піша, што чаты з сеткі «97%» — «гэта галіна Нехты». І дэананімізуе адзін з акаўнтаў супрацоўніка BYPOL Уладзіміра Жыгара.

Каментары Артура Гайко

У якія ж суполкі ў тэлеграме ўступаў і, лічы, маніторыў Гайко?

Па вялікім рахунку, ён працаваў як усе аператыўнікі ГУБАЗіК. У яго маніторынгу былі раённыя (напрыклад, Малінаўкі ды Серабранкі) ды гарадскія чаты («Віцебск 97%», «Жодзіна для жыцця»), чаты прадпрыемстваў («Белшына для жыцця», «Світанак» і інш.), агульна-пратэсныя чаты («Кіроўцы 97», «Кантроль аўтазакаў» і г.д.), чаты капачоў, айцішнікаў (FreeIT, Arch Linux).

Мяркуючы па гісторыі змены імёнаў, якую мы прыводзілі ў расследаванні пра «Белорусскій сіловік», ён працаваў таксама па анархістах, бо адзін з ягоных нікнэймаў быў такі ж, як у адміна аднаго з тэматычных чатаў (Rebel Spirit).

Суполкі, у якіх заўважаны акаўнт Артура Гайко

Таксама ён цікавіўся чатамі, дзе купляюць машыны з ЗША і дзе мяняюць крыптавалюту. Але гэтым то ён мог цікавіцца і для асабістых патрэбаў.

Калі вам важная праца, якую робяць журналісты «Нашай Нівы», падтрымайце нас данатам праз «Патрэон».

{POLL#1250}

Каментары да артыкула