На таргі выставілі яшчэ дзве запраўкі «Трайпла»

На сайце ЗАТ «Белрэалізацыя» з'явілася інфармацыя яшчэ пра дзве АЗС, якія належаць кампаніі Юрыя Чыжа «Нафтахімтрэйдынг». Таргі запланаваны на 20 снежня. Раней на таргі былі выстаўленыя іншыя тры запраўкі.

Фота: beltorgi.by

Адна з заправак знаходзіцца ў раёне в. Кулакі Салігорскага раёна і цяпер не працуе.

Хоць з вопісу і вынікае, што ўсё абсталяванне там захавалася, наколькі яно спраўна і працаздольна — вялікае пытанне. Стартавы кошт — каля 866 тыс. рублёў, а мінімальны — крыху менш за 673,5 тыс.

Другая АЗС ужо і не зусім АЗС. Там дэмантавана ўсё абсталяванне, засталіся толькі будынак і падземныя рэзервуары з ачышчальнымі збудаваннямі. Гэта 92-і кіламетр трасы М-6. 

Каментары да артыкула