«Усе жанчыны мараць пра гасцявы шлюб». Прыбіральшчыца з Мінска бачыцца з мужам толькі на выходных і лічыць гэту схему ідэальнай

Беларуска Наталля ўжо чатыры гады жыве са сваім мужчынам у фармаце гасцявога шлюбу — у сваім тыктоку яна шчыра дзеліцца плюсамі такога віду стасункаў, якія ні за што не хацела б прамяняць на класічны сцэнар штодзённага жыцця пад адным дахам.

Наталля са сталіцы, а яе каханы — з Бабруйска. І адна з прычын, па якой яны пайшлі менавіта на гасцявы шлюб — тое, што жанчына не захацела пераязджаць са сталіцы да мужа.

«Гэта быў мой выбар — ездзіць да мужа і назад за ўласныя грошы кожныя выходныя, — тлумачыць Наталля. — І я ўдзячная свайму мужчыну, што ён гэты выбар падтрымаў».

Наталля з мужам адразу пасля роспісу. Твар мужчыны яна не паказвае ў сваім тыктоку па яго просьбе. Дарэчы, пазнаёмілася пара акурат у гэтай сацыяльнай сетцы: будучы муж напісаў блогерцы падчас аднаго са стрымаў. Скрыншоты: тыкток @natali___bel

У Наталлі — дзве дачкі ад папярэдняга шлюбу, адна з іх непаўналетняя. Жанчына расказала, што для яе пераезд у новы горад і новая школа сталі б стрэсам. Акрамя таго, сама Наталля любіць сваю цяперашнюю працу, якая дае ёй досыць свабодны графік: яна — прыбіральшчыца.

@natali___bel

♬ оригинальный звук - Александр1978

У гасцявым шлюбе Наталля знаходзіць суцэльныя плюсы. Больш за тое, падчас адпачынку два разы на год яны жывуць «як звычайная сям’я», бавячы час разам цягам некалькіх тыдняў, і гэта яе вымотвае — хочацца зноў у Мінск, з графікам сустрэч на выходных.

«Для нас гэтае рашэнне ідэальнае», — адзначае блогерка.

Наталля ўпэўненая, што ёй зайздросціць вельмі шмат жанчын:

«Мой муж па выходных водзіць мяне на спатканні і дорыць мне кветкі, нягледзячы на тое, што мы жанатыя. А ўсё таму, што мы жывём у гасцявым шлюбе. Насамрэч усе жанчыны мараць пра гасцявы шлюб, але іх мужыкі супраць, таму што хочуць, каб жонкі стваралі ўтульнасць і выхоўвалі дзяцей, пакуль яны будуць ляжаць на канапе каля тэлевізара ці з тэлефонам.

@natali___bel #тётянаташа #гостевойбрак ♬ оригинальный звук - Star

Перад вяртаннем у Мінск Наталля намагаецца прыгатаваць мужу ежы на пяць дзён наперад. Ён, у сваю чаргу, часам таксама прыязджае ў сталіцу да партнёркі. У адным з ролікаў жанчына падзялілася, колькі грошай муж выдаткаваў за дзень-спатканне з ёй: 175 рублёў за кветкі, паходы ў кіно, музей і кафэ.

Скрыншот: тыкток @natali___bel

Ролікі жанчыны збіраюць шмат праглядаў і каментароў. Не ўсе разумеюць выбар сужэнцаў і нават яго крытыкуюць.

«З мужам жывуць, а не па выходных катаюцца»; «Ды вы развядзецеся хутка, вам надакучаць гэтыя паездкі»; «У будні да мужа будуць прыходзіць іншыя «госці», вы для яго вельмі зручная», — пішуць некаторыя каментатары.

Але Наталля з імі катэгарычна нязгодная: яна знаходзіць такое рашэнне для сем'яў ідэальным. Некаторыя жанчыны з ёй салідарныя:

«Гэта супер! Ідэальны шлюб», «Можна быць шчаслівымі, і так ніколі не надакучыш адно аднаму», «Я на вас гляджу і разумею, што пасля сарака гэта найлепшае, я сама саспела для гасцявых адносін».

Каментары да артыкула