Украінскія дроны атакавалі НПЗ пад Ніжнім Ноўгарадам
29.01.2025 / 7:59
Украінскія дроны атакавалі аб’ект у горадзе Кстова за 20 км ад Ніжняга Ноўгарада, там успыхнуў пажар.
Адны каналы пішуць, што напад быў здзейснены на нафтабазу, іншыя — што на нафтаперапрацоўчы завод.
У Кстове знаходзіцца нафтаперапрацоўчы завод «ЛУКОЙЛ-Ніжагароднафтасінтэз».
Расійскія ўлады пакуль нічога не паведамілі пра напад, дакладнай альтэрнатыўнай інфармацыі таксама пакуль няма.