Зяленскі адказаў Трампу, колькі грошай Украіна выдаткавала на вайну і колькі з іх было амерыканскіх
19.02.2025 / 14:4
Прэзідэнт Украіны Уладзімір Зяленскі даў прэс-канферэнцыю, прысвечаную перамовам Расіі і ЗША ў Саудаўскай Аравіі і крытыцы з боку Дональда Трампа.
Зяленскі адказаў на прэтэнзіі Трампа наконт грошай. Трамп заявіў, што Зяленскі не ведае, дзе палова грошай, якія выдзелілі Украіне ЗША, і запатрабаваў растлумачыць, куды дзеліся амерыканскія грошы ці вярнуць іх. Пры гэтым, са слоў Трампа, ЗША выдзелілі 350 млрд даляраў Украіне.
Вайна абышлася Украіне ў $320 мільярдаў, з якіх $120 мільярдаў заплацілі ўкраінцы, а яшчэ $200 мільярдаў — ЗША і Еўропа, сказаў Зяленскі.
Паводле яго слоў, ЗША далі Украіне каля $67 млрд зброяй і $31 млрд праграмамі ў бюджэт.