На Youtube з'явілася відэаверсія спектакля пра баскетбалістку Сныціну Беларускага свабоднага тэатра ВІДЭА
9.03.2025 / 14:28
На канале Беларускага свабоднага тэатру ў YouTube 8 сакавіка апублікавалі відэаверсію спектакля «KS6: SMALL FORWARD» пра Кацярыну Сныціну — зорку жаночага баскетбола, вымушанай пакінуць Беларусь. Спектакль можна паглядзець да 25 сакавіка.
«Пастаноўка пра незвычайную, але рэальную гісторыю жыцця беларускай баскетбалісткі Кацярыны Сныцінай, адной з самых паспяховых прафесійных спартсменак свайго пакалення», — так анансавалі відэа на канале.
Спектакль заснаваны на гутарках з Кацярынай Сныцінай, адаптаваны для сцэны і пастаўлены са-заснавальнікамі БСТ Мікалаем Халезіным і Наталляй Калядой.
Год таму Кацярына Сныціна сыграла апошні матч у кар'еры.