Калі ў Мінску пачнуць выдаваць аўтамабільныя нумары з васьмёркай
9.03.2025 / 17:54
Нядаўна паведамлялася, што ў Мінску заканчваюцца аўтамабільныя нумары з кодам рэгіёна — 7. Таму ў далейшым сталічным аўтамабілістам будуць выдаваць нумары з васьмёркай.
Фота ілюстрацыйнае
Цяпер стала вядома, калі гэта здарыцца.
«Плануем у найбліжэйшы месяц ажыццяўляць выдачу рэгістрацыйных знакаў з восьмым рэгіёнам. Рэгістрацыйныя знакі з восьмым рэгіёнам серыі «АА» ў колькасці парадку 10 тысяч ужо выраблены і гатовыя да выдачы. Таму перабояў якіх-небудзь з рэгістрацыяй транспарту не прадбачыцца», — сказаў начальнік сталічнай ДАІ Сяргей Бабіч у эфіры АНТ.
Паводле падлікаў ДАІ, колькасць нумароў з кодам 8 скончыцца не раней, чым гадоў праз 15.
У Беларусі кожнаму рэгіёну прысвоены парадкавы аўтамабільны код: Брэсцкай вобласці — 1, Віцебскай — 2, Гомельскай — 3, Гродзенскай — 4, Мінскай — 5, Магілёўскай — 6, Мінску — 7.