Пад Бабруйскам 12-гадовыя школьніцы падпалілі чарот, а потым тушылі яго кока-колай
10.03.2025 / 13:30
Інцыдэнт адбыўся 9 сакавіка ў аграгарадку Гарбацэвічы, паведамляе МНС.
Фота: МНС
Трое 12-гадовых падлеткаў гулялі ўздоўж дарогі. Адна з дзяўчынак вырашыла падпаліць чарот.
Агонь імгненна перакінуўся на сухую траву і пачаў хутка распаўсюджвацца па полі.
Напалоханыя дзеці спрабавалі тушыць полымя: Здымалі курткі і збівалі агонь, выкарыстоўвалі нават кока-колу.
На дапамогу прыбег бацька адной з дзяўчынак.
Агульнымі намаганнямі ім удалося затрымаць распаўсюджванне полымя да прыбыцця ратавальнікаў МНС.
Падлеткі не пацярпелі.
Сапсавана толькі вопратка, якой яны тушылі агонь.