У Калінкавіцкім раёне браканьер забіў ласіху, цяжарную двойняй
11.03.2025 / 17:13
Факт жорсткага браканьерства выявілі на тэрыторыі Калінкавіцкага лясгаса, паведамляе Мінлясгас. Старшы егер гаспадаркі выявіў сляды незаконнай здабычы самкі лася з двума эмбрыёнамі.
У лесе зламыснік пакінуў галаву і капыты ласіхі, а таксама двух яе ненароджаных ласянят.
Егер напаў на след браканьера на тэрыторыі лесапаляўнічай гаспадаркі паблізу вёскі Якімавічы і выклікаў на месца следча-аператыўную групу. Меркаванае кола вінаватых у інцыдэнце асоб ужо ўстаноўлена, а па факце браканьерства распачатая крымінальная справа.
Чытайце таксама:
У польскім лесе зафіксавалі на ВІДЭА незвычайных ваўкоў
Браканьеры ў Паўднёвай Афрыцы атрымалі да 50 гадоў за забойства насарогаў
Злавілі ляшча. Незаконная рыбная лоўля каштавала жыхарам Любаншчыны 90 тысяч рублёў