Новыя ўлады Сірыі заключылі дамову з курдамі

Новыя ўлады Сірыі ў панядзелак, 10 сакавіка, абвясцілі пра дасягнутае пагадненне з «Сірыйскімі дэмакратычнымі сіламі» (SDF) па пытанні інтэграцыі цывільных і вайсковых інстытутаў курдскай аўтаномнай адміністрацыі ў склад сірыйскага ўрада, піша Deutsche Welle.

Кіраўнік «Сірыйскіх дэмакратычных сіл» (SDF) Мазлум Абдзі і пераходны прэзідэнт Сірыі Ахмед аш-Шараа падчас падпісання пагаднення. Фота: SANA via AP

У дамове пазначаны канкрэтныя аб'екты на паўночным усходзе Сірыі, уключаючы памежныя пасты, аэрапорт, а таксама нафтавыя і газавыя радовішчы. Пагадненне павінна быць рэалізавана да канца 2025 года.

Пасля звяржэння рэжыму Башара Асада ў снежні 2024 года новыя сірыйскія ўлады на чале з Ахмедам аш-Шараа спрабуюць распусціць узброеныя групоўкі, якія дзейнічаюць у Сірыі, і ўсталяваць кантроль над усёй тэрыторыяй краіны.

Каментары да артыкула