Viadoma, što 6 studzienia 2023 hoda ZŠA zajavili pra novuju vajskovuju dapamohu Ukrainie, jakaja ŭklučaje 50 BMP «Bredli». Vajskovy ekśpiert Aleh Ždanaŭ paraŭnoŭvaje hetuju mašynu z tymi, jakija majucca na ŭzbrajeńni ŭ Rasii.
Na dumku ekśpierta, amierykanskaja sistema «Bredli» značna lepšaja. Niahledziačy na toje, što ŭ jaje mienšy kalibr harmaty (25 mm suprać 30 mm u BMP-2), jaje mahutnaść takaja vialikaja, što jana prabivaje braniravanyja celi, u tym liku braniu tankaŭ savieckaj vytvorčaści. Viadoma, što ŭstanoŭka raspracoŭvałasia dla baraćby z savieckimi tankami. Adsiul jaje skroź raspaŭsiudžanaja nazva — «źniščalnik tankaŭ».
Braniu savieckaj BMP-2 «Bredli» prabivaje ŭ luboj prajekcyi. Jana ličycca bajavoj mašynaj padtrymki tankaŭ. Niekatoryja krynicy pry apisańni bajavych dziejańniaŭ nazyvajuć jaje «lohki tank».
U svaju čarhu BMP-2 moža prabić amierykanskuju ŭstanoŭku tolki pry traplańni ŭ bort pamiž katkami.
Adzinaja pieravaha BMP-2 — mahčymaść pieravozki bolšaj kolkaści piechacincaŭ. Akramia hetaha, bajavaja mašyna piachoty bolš manieŭranaja, lohkaja, chutkasnaja, moža płavać. Zatoje «Bredli» bolš abaronienaja, bolš ustojlivaja na poli boju.
Kali «Bredli» vykarystoŭvaje snarady sa stryžniem z abiednienaha ŭranu, to T-72, T-62, T-55 prabivajucca ŭ asobnych prajekcyjach, naprykład, u bort, u styk bašni i korpusa. U vyniku tank stanovicca niebajazdolnym.
Lepšaje paraŭnańnie «Bredli» z BMP-3, u jakoj ustanoŭlenyja ŭ pary 30-mm i 100-mm harmaty. U jaje bolš uzmocnienaja brania. Chacia i jana, na dumku ekśpierta, sastupić «Bredli» pa asnoŭnych ahniavych pakazčykach.
Pa danych ukrainskaj raźviedki, rasijskaje kamandavańnie mocna aścierahajecca źjaŭleńnia «Bredli» va ŭkrainskich bajavych paradkach. Rasijanie razumiejuć, što im niama čaho joj supraćpastavić.
U toj ža čas Rasija raspracavała svaje bajavyja mašyny padtrymki tankaŭ: tak zvany «Terminatar», ci abjekt 199 «Ramka».
Čytać jašče:
Pientahon raskryŭ źmiest novaha pakieta vajennaj dapamohi Ukrainie
Jak vyhladaje znutry rezidencyja Łukašenki «Krasnasielskaje»13
Kamientary
Da,niet upominanija i o tiažiełom pturie TOW na
Bredli kotoryj otlično zariekomiendovał siebia i učastvovał vo vsiech vojnach načinaja s konca 20ho vieka. A tak žie nie hovoritsia o rieaktivnoj bronie na Bredli i o tom čto na BMP jeje niet potomu čto halimaja"bronia" BMP tupo jeje nie vydieržit. Nie hovoria užie o kačiestvie 30mm snariadov po sravnieniju s 25mm Bušmastier