Apytańnie: 45% biełarusaŭ, jakija źjechali ŭ Polšču, płanujuć tam zastacca
Asnoŭnaj pryčynaj, jakaja padachvociła biełarusaŭ, što ŭ Polščy, źjechać sa svajoj krainy, staŭ strach pierad represijami (86%).
45% biełarusaŭ, jakija źjechali ŭ Polšču, płanujuć tam zastacca. Pra heta śviedčać źviestki apytańnia «Biełaruskaja emihracyja ŭ Polščy», praviedzienaha Centram dyjałohu imia Julijuša Mierašeŭskaha, paviedamlaje «Pozirk».
Asnoŭnaj pryčynaj, jakaja zaachvociła biełarusaŭ, što znachodziacca ŭ Polščy, źjechać sa svajoj krainy, staŭ strach pierad represijami (86%).
Dla pałovy respandentaŭ Polšča — kraina, dzie «žyćcio ŭ cełym lepšaje, čym u Biełarusi».
22% respandentaŭ hatovyja viarnucca ŭ Biełaruś, kali dazvolić situacyja, 28% nie vyznačylisia z płanami.
73% zajaŭlaje, što asnoŭnuju častku času pa-za domam jany baviać ź inšymi biełarusami.
Bolšaść apytanych ličać, što biełaruskaja mova pavinna być adzinaj aficyjnaj movaj u Biełarusi. 52% upeŭnienyja, što heta treba zrabić jak maha chutčej.
76% ličać, što Polšča zachoŭvaje siabroŭskaje staŭleńnie da Biełarusi. Apytanyja ličać jaje najbolš prychilnaj siarod susiedziaŭ (samaj niedružalubnaj ličać Rasiju (61%)).
Arhanizatary apytańnia adznačajuć, što mieli spravu padčas apytańnia «z supolnaściu emihrantaŭ z vyraznymi, całkam adnaznačnymi pohladami, dla jakich niama miesca ŭ sučasnaj biełaruskaj dziaržavie».
Ciapier čytajuć
Hiryn, Bury i navat Knyrovič adreahavali na artykuł pra samuju modnuju paru biełaruskaj apazicyi14
Kamientary