Palitviaźnia Anatola Łatušku pieraviali na turemny režym u Hrodnie
U sudzie Škłoŭskaha rajona 22 sakavika adbyŭsia sud pa zamienie Anatolu Łatušku režymu ŭtrymańnia na turemny. Sudździa Alaksandr Tarakanaŭ pastanaviŭ pieravieści palitviaźnia, asudžanaha da šaści hadoŭ kałonii, u turmu na šeść miesiacaŭ. Anatola ŭžo etapavali ŭ hrodzienskuju turmu № 1, piša «Viasna».
Anatol — stryječny brat palityka Paŭła Łatuški. U sudzie Centralnaha rajona Minska 20 vieraśnia 2022 hoda Anatolu pryznačyli šeść hadoŭ kałonii, Alenie Malinoŭskaj — čatyry hady kałonii, Lilii Ananian — piać hadoŭ «chatniaj chimii». Łatušku jašče aštrafavali na 300 bazavych vieličyń i pastanavili kampiensavać škodu paciarpiełym.
Nahadajem, ich zatrymali 31 studzienia 2022 hoda za malavańnie pa trafarecie na paštovych skryniach u padjezdach hierba «Pahonia» i źmiaścili pad vartu.
Viadoma, što paśla zatrymańnia Anatola mocna źbivali. Padčas suda, jaki prachodziŭ u adkrytym režymie, byli ahučanyja padrabiaznaści prymianieńnia fizičnaj siły da jaho ŭ Centralnym RUUSa Minska. Žonku Anatola taksama asudzili praz try tydni paśla muža. Alenie prysudzili dva z pałovaj hady «chatniaj chimii».
Spačatku Łatuška adbyvaŭ termin u navapołackaj kałonii № 1, ale paźniej jaho pieraviali ŭ škłoŭskuju kałoniju № 17. Pa inicyjatyvie administracyi ŭstanovy jamu vyrašyli ŭzmacnić pakarańnie i pieravieści na turemny režym. Pa rašeńni sudździ Alaksandra Tarakanava palitviazień paŭhoda budzie adbyvać termin u hrodzienskaj turmie № 1.
Padtrymajcie Anatola: Turma № 1, 230023, Hrodna, Kirava, 1, Anatol Viktaravič Łatuška
Jak vyhladaje znutry rezidencyja Łukašenki «Krasnasielskaje»13
Kamientary