31-гадовы беларускі футбаліст памёр пасля матчу
10.03.2025 / 17:14
Гульцу медыяфутбольнага клуба «Альтстарт» Раману Клімаву стала дрэнна падчас матчу. Медыкі не змаглі яго выратаваць.
Раман Клімаў. Фота: klimovroman10 / Instagram
Як пішуць сябры хлопца ў сацсетках, Раману стала дрэнна падчас матчу. Ён страціў прытомнасць. Выклікалі хуткую, але па дарозе ў бальніцу футбаліст памёр. Прычына трагедыі — спыненне сэрца.
Раман гуляў на пазіцыі нападаючага ў камандзе «Альтстарт». Гэты клуб пазіцыянуе сябе як медыяфутбольны — гэты значыць, гаворка ідзе пра аматарскі фармат, але ў камандах могуць гуляць як былыя прафесійныя футбалісты, так і вядомыя асобы накшталт блогераў.
Раман Клімаў. Фота: premierliga.pro
23 лютага ў «Альтстарта» павінна была адбыцца гульня з клубам Boom, і ў гэты ж дзень у інстаграме каманды з’явілася інфармацыя пра трагедыю з Раманам.
9 сакавіка клуб разам з іншай медыяфутбольнай камандай, ФК «Інформ», зладзіў матч памяці Рамана, дзе збіралі сродкі ў падтрымку сям’і памерлага спартсмена.
Акрамя «Альтстарта», дзе Клімаў правёў апошнія пару гадоў, ён засвяціўся ў шэрагу іншых аматарскіх каманд.
Чытайце таксама:
Аляксей Протас прызнаны першай зоркай матча «Вашынгтона»
Футбольны клуб «Віцебск» распрацаваў новую форму ў стылі супрэматызму ФОТЫ