Juščanka suprać izalacyi Biełarusi
Prezydent Ukrainy vystupiŭ suprać mižnarodnaj izalacyi Biełarusi, zaznačyŭšy, što Ŭkraina hatova padtrymać paŭnočnuju susiedku na šlachu da demakratyi. Pra heta Viktar Juščanka zajaviŭ ŭ Paryžy na sustrečy z pradstaŭnikami dziełavych i palityčnych kołaŭ Francyi. «Ja chaču bačyć Biełaruś demakratyčnaj, kvitniejučaj krainaj, i dla hetaha jak prezydent susiedniaj krainy zrablu ŭsio, kab u niečym joj dapamahčy».
Velcom uvioŭ taryf «Adziny»
Pieršy aperatar sotavaj suviazi GSM u Biełarusi, kampanija MŁS (handlovaja marka Velcom) uvioŭ plan «Adziny». Plan praduhledžvaje adziny košt zvankoŭ na ŭsie kirunki.
Spravu Aŭtuchoviča ŭ Vyšejšym haspadarčym
U sieradu adbyłosia padrychtoŭčaje pasiedžańnie VHS. Sudździa Kaciaryna Karatkievič pryznačyła datu słuchańniaŭ na 30 listapada. Paŭtara miesiaca tamu Prezydyjum Vyšejšaha haspadarčaha sudu skasavaŭ papiarednija sudovyja rašeńni adnosna spahnańnia z vaŭkavyskaha pradprymalnika Mikałaja Aŭtuchoviča štrafnych sankcyjaŭ. Adnak Departament finansavych raśledavańniaŭ pa Haradzienskaj vobłaści 14 kastryčnika zavioŭ u dačynieńni da pradyprymalnika kryminalnuju spravu. M.Aŭtuchovič byŭ adrazu aryštavany i abvieściŭ haładoŭku. Jana doŭžycca ŭžo 34 dni.
Maryniča pryznali invalidam
Daktary admysłovaj kamisii Ministerstva achovy zdaroŭja pryznali eks-ministra Michaiła Maryniča invalidam II hrupy. Pra heta žurnalistam paviedamiła žonka palityka Taciana. Michaił Marynič, asudžany na 3,5 hady pazbaŭleńnia voli, ciapier prachodzić kurs lačeńnia ŭ turemnym špitali pry mienskaj kalonii.
Naš adkaz Biłu Hiejtsu
U Parku vysokich technalohij budzie raspracavana aperacyjnaja systema — alternatyva kamputarnaj pradukcyi «Majkrasoft». Heta paabiacaŭ hiendyrektar Nacyjanalnaha centru infarmacyjnych resursaŭ i technalohij Akademii navuki Michaił Machaniok. Paśla sprava budzie za drabiazoj — napisać kuču inšych prahram dla kamputara, pakolki bolšaść inšych prahram stvarajecca pad «Windows».
Mirny prajhraŭ, moładź — vyjhrała
Na vynikovym turniry najlepšych parnych tenisistaŭ śvietu, što prachodzić u Šanchai, Maksim Mirny i Junas Bjorkman prajhrali i druhuju sustreču hrupavoha turniru. U sieradu, 16 listapada, jany sastupili francuzam Mišelu Ladra i Fabrysu Santaro — 6:7, 4:6. Zatoje paradavała ŭ sieradu futbolnych zaŭziataraŭ moładzievaja zbornaja. U Biełaj-Padlaskaj hadavancy Jurja Puntusa ŭ tavaryskaj hulni pieramahli pahodkaŭ z Polščy — 3:1.
AR, ZD, svaboda.org
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty7
Kamientary