Vajna

The Times: Pucin pasprabuje ściahnuć na Danbas siły, u piać razoŭ bolšyja za ŭkrainskija

Rasijskija vojski pierakidajucca z usiaho rehijona na Danbas. Niekatoryja zachodnija krynicy čakajuć, što nastupleńnie pačniecca da kanca tydnia. Rasija sprabuje sabrać siły, jakija buduć pieravyšać pa kolkaści ŭkrainskija vojski na ŭschodzie Ukrainy ŭ piać razoŭ, piša The Times na padstavie nazirańniaŭ zachodnich vajennych ekśpiertaŭ.

Ukrainskija vojski stvaryli na ŭsim uschodzie krainy vialikija ŭmacavańni. Fota: Dyjeha Erera Karsieda / Ahienctva Anadołu / Getty Images

Spadarožnikavyja zdymki i spravazdačy pakazvajuć, što Rasija naroščvaje vojski i techniku jak minimum u troch miescach na miažy z Ukrainaj: u Biełharadskaj, Varoniežskaj abłaściach i vakoł paŭdniovaha horada Maćviejeŭ Kurhan. Taksama rasijskija vojski ŭzmacniajuć nastup u rajonie Iziuma na paŭdniovy ŭschod ad Charkava.

Čakajecca, što hetyja siły pasprabujuć prasunucca dalej na poŭdzień, kab zachapić Słaviansk, a adtul jany mohuć rušyć napierad na paŭdniovy ŭschod, kab akružyć ukrainskich vajskoŭcaŭ.

Taksama paviedamlajecca, što kali zabłakavany Maryupal «padzie», to da 6000 rasijskich vajskoŭcaŭ taksama zmohuć prasunucca na poŭnač Ukrainy. Adznačajecca, što ŭkrainskija abaroncy pabudavali vialikija ŭmacavańni i akapalisia na ŭschodzie.

Hienierał Ryčard Barans, były hałoŭnakamandujučy brytanskaha vojska, skazaŭ, što «ruskija buduć sprabavać kinuć bolš suchaputnych vojskaŭ, kab daviedacca pravilnyja suadnosiny siłaŭ, viedajučy, što ŭkraincy na ŭschodzie znachodziacca ŭ vielmi dobrym stanoviščy».

Jon skazaŭ, što ŭkrainskija abarončyja pazicyi, jakija dobra zarekamiendavali siabie, «sapraŭdy, ciažka pieraadoleć», i što ekśpierty kazali pra nieabchodnaść suadnosin siłaŭ nie mienš za piać da adnaho, a to i siami da adnaho pry łabavoj atacy. Ale naŭrad ci Rasiei ŭdasca sabrać stolki ludziej.

Berans ličyć, što «heta budzie vielmi ciažki boj na źniasileńnie». Jon taksama skazaŭ, što rasijskija vojski, vierahodna, pasprabujuć akružyć ukrainskija, kab prymusić ich pakinuć dobra abaronienyja pazicyi. Pavodle słoŭ hienierała, dla abarony «ŭkraincam spatrebicca zbroja vialikaj dalokaści i śmiertanosnaści».

12 krasavika zachodni čynoŭnik zajaviŭ, što 38 rasijskich bataljonnych taktyčnych hrup (BTH) kolkaściu da 1000 čałaviek u kožnaj bolš nie bajazdolnyja, u vyniku čaho zastałosia kala 90 BTH: «Mnohija ź ich albo čakajuć zahadu ab pieramiaščeńni, abo vyłučajucca dla ŭzmacnieńnia apieracyj na Danbasie».

Pry suadnosinach siłaŭ piać da adnaho 90 000 rasijskich sałdat buduć zmahacca z 18 000 ukraincami.

Ministr abarony Brytanii Džejms Chipi zajaviŭ, što bitva za Danbas budzie vieścisia pamiž dźviuma «vielmi dobra padabranymi» ŭzbrojenymi siłami, i «całkam vierahodna», što Ukraina atrymaje pieramohu.

Jon skazaŭ Radio Times: «Ukraincam dźmie viecier u śpinu. Jany nanieśli paražeńnie niekatorym z najlepšych pałkoŭ i bataljonaŭ Rasii. Nastupnaja chvala rasijskich vojskaŭ, jakaja pryjdzie da ich na Danbas, budzie nie lepšaj u Rasii».

Jon paŭtaryŭ mierkavańnie, što płan prezidenta Rasii Uładzimira Pucina pa Danbasie abumoŭleny jahonym žadańniem prademanstravać «vialiki vajenny pośpiech» da 9 maja.

Kamientary

Ciapier čytajuć

ZŠA i Rasija zrabili zajavy paśla razmovy Trampa i Pucina17

ZŠA i Rasija zrabili zajavy paśla razmovy Trampa i Pucina

Usie naviny →
Usie naviny

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju17

Što adbyłosia z 16-hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry7

Dalar siońnia śpikiravaŭ adrazu na šeść kapiejek3

Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»9

Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

bolš čytanych navin
bolš łajkanych navin

ZŠA i Rasija zrabili zajavy paśla razmovy Trampa i Pucina17

ZŠA i Rasija zrabili zajavy paśla razmovy Trampa i Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić