Eks-kiraŭnik MUS, a siońnia staršynia Biełaruskaha tavarystva palaŭničych i rybałovaŭ (BTPR) Ihar Šunievič daŭ vialikaje intervju «Źviaździe», u jakim raspavioŭ pra płany nakont dziejnaści viedamstva, a taksama zajaviŭ, što choča stvaryć žanočy palaŭničy kłub dla papularyzacyi tavarystva. Dałučać płanujecca i školnikaŭ.
«Kali žančyny zachopiacca palavańniem ci rybałkaj, to i mužčyn adpuskać buduć lahčej, dy i kolkaść členaŭ tavarystva vyraście. Dziaciej bolš achvotna pryviaduć siudy. U rabocie z padletkami my idziom pa šlachu nie tolki i nie stolki palavańnia i rybałki, kolki ekałahičnaj adukacyi. Chočam uklinicca ŭ navučalny praces. Prapanujem Ministerstvu adukacyi, kab pradstaŭniki tavarystva prysutničali ŭ kožnaj škole, asabliva viaskovaj, u jakaści nastaŭnikaŭ dyscypliny ab pravilnym i harmaničnym znachodžańni ŭ pryrodzie. Havorka pra navyki biaśpiečnych pavodzin, akazańnia pieršaj dapamohi, aryjentavańnia, harmaničnaha suisnavańnia z pryrodaj. Palavańnie i rybałka pryjduć potym, i nie dla ŭsich. Ale hetyja navyki patrebnyja ŭsim. Stralba — adzin z elemientaŭ takoha pracesu, nie samy hałoŭny, ale samy cikavy dla tych ža padletkaŭ».
Na dumku eks-ministra zaniatki stralboj dyscyplinujuć.
«Chto samy zakonapasłuchmiany ŭ krainie? Palaŭničyja.
Bo pravaparušeńni ciahnuć adklikańnie licenzii i kanfiskacyju zbroi. Čałaviek, jaki vałodaje dobraj zbrojaj, vielmi aścierahajecca parušyć zakon u luboj formie, bo tady pazbavicca darahich dla jaho pradmietaŭ i zaniatkaŭ. Strałkovaja padrychtoŭka ŭklučaje praviły biaśpieki, navučańnie adkaznaści, kancentracyi, fizičnuju padrychtoŭku, rabotu mozha i šmat što», — miarkuje były ministr.
Na pytańnie, čym žančyna ŭ hetym płanie adroźnivajecca ad mužčyny i čamu, Ihar Šunievič adkazaŭ, što žančyny bolš adkaznyja i ŭ ich inšaja fizijałohija.
«Jany zdolnyja lepš strymlivać emocyi, lepš siabie kantralujuć. U vas lepš atrymlivajecca pravilna dychać. Vy dychajecie jak žabki — spakojna, pavolna, usimi hrudziami», — reziumavaŭ staršynia BTPR.
-
«Heta nie majo, heta siabra». Biełarus zdymaje reakcyju achoŭnikaŭ mietro na fałaimitatary ŭ zaplečniku — videa źbirajuć miljony prahladaŭ
-
Siem typaŭ «pjanaj asoby»: kim vy stanoviciesia pad uździejańniem ałkaholu i što heta aznačaje?
-
U San-Francyska žyvie kot, jakoha zavuć Biełaruś. Prytym haspadynia jaho — zvyčajnaja amierykanka
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty7
Kamientary