Dva hady tamu adbylisia vybary. Paśla taho 9 žniŭnia žyćcio pierastała być raniejšym — prychilnikaŭ pieramien dušać represijami, prychilniki režymu bajacca zbavić hradus pomsty.
Tysiačy prajšli praz turmy. Dakładnaj statystyki niama — prybliznyja padliki dajuć bolš za 40 tysiač aryštaŭ pa kryminalnych i administracyjnych spravach za dva hady. 1262 palitviaźni — stolki na siońnia ŭ śpisach «Viasny».
Chvory na ankałohiju Ryhor Kastusioŭ, vierny svaim pierakanańniam Źmicier Daškievič, studentka-«terarystka» Danuta Pieradnia, palityk Mikałaj Statkievič, jaki tolki vyjšaŭ z ŠIZA, papularyzatar vyšymajek i biełaruščyny Pavieł Biełavus, były śledčy Jaŭhien Juškievič, jaki vybraŭ sumleńnie.
Pamiatajma tych, kaho nie stała. Zabity va ŭpor Alaksandr Tarajkoŭski, zastreleny ŭ Breście Hienadź Šutaŭ, zamučany ŭ kałonii Vitold Ašurak, kiroŭca tralejbusa Pavieł Sibileŭ, jaki nie zmoh da kanca ačuniać paśla ranieńnia hranataj, žychar Płoščy Pieramien Raman Bandarenka… I heta nie poŭny śpis.
Ale pamiatajma i pra salidarnaść, jakaja achapiła ludziej u tyja dni. I toje mora ściahoŭ, jakoje kaliści ašałamiła ludziej u Vilni na pierapachavańni Kastusia Kalinoŭskaha, a paśla paŭstała ŭ Minsku.
Trymajmasia rodnaj movy, kultury, historyi — padmurku, bieź jakoha niemahčyma volnaj Biełarusi.
-
Dziaŭčyna z Estonii 6 hadoŭ vučycca ŭ Biełarusi na miedyka. Ale ciapier jaje mara stać chirurham pad pahrozaj
-
U źlitaj razmovie siłaviki abmiarkoŭvajuć, jak adsočvajuć ludziej pa łakacyi mabilnaha telefona. Nadziejna schavacca ź im składana
-
Kasy samaabsłuhoŭvańnia patrabujuć biełarusaŭ skanavać adrazu dva kody. Što adbyvajecca?
Kamientary