Hramadstva2727

«Visić nacyjanalny ściah ukrainski, i paviesili jašče bečebešnuju anuču». Staršynia Dziaržpahrankamiteta pra situacyju na miažy

U efiry telekanała «Biełaruś-1» vyjšła intervju sa staršynioj Dziaržaŭnaha pahraničnaha kamiteta Respubliki Biełaruś Anatolem Łapo. Jon skardziŭsia na napružanuju situacyju na miežach Biełarusi i vinavaciŭ u hetym susiednija krainy.

Anatol Łapo. Fota: skrynšot videa

Staršynia Dziaržpahrankamiteta raspavioŭ, što da 2022 hoda jany bačyli tolki cyvilnyja samaloty, a voś za minuły hod byli zafiksavanyja 463 praloty bieśpiłotnikaŭ uzdoŭž miažy. Takim čynam pravodzicca raźviedka, dadaŭ jon. 

Taksama Łapo paskardziŭsia, što raniej pry praviadzieńni palotaŭ jany infarmavali sumiežny bok, toje ž samaje rabili i ź inšaha boku, a ciapier takoha niama. Čamu situacyja źmianiłasia i chto ŭ hetym vinavaty, Łapo nie patłumačyŭ.

Praciahvajučy temu situacyi na miažy z Ukrainaj Łapo skardziŭsia na toje, što ŭkrainski bok padarvaŭ darohi, masty, zaminavaŭ pierymietr. Taksama jon vinavacić ukrainski bok, što tam admaŭlajucca prapuskać ludziej praź miažu. 

Siarod inšaha Łapo skardziŭsia na «pravakacyi i abrazy» z boku Ukrainy. Asobnaja ŭvaha była nadadzienaja faktu znachodžańnia BČB ściaha na adnym punkcie propusku pobač z ukrainskim. 

Fota: skrynšot ź videa

«Naturalna, abrazy. Nu voś vaźmicie, u punkcie propusku visić nacyjanalny ściah ukrainski, i paviesili jašče bečebešnuju anuču. Nu navošta? Kaniešnie, heta dziejańni psichałahičnyja, nu my da hetaha hatovyja», — skazaŭ Anatol Łapo.

Kiraŭnik DPK padčas intervju nazyvaje toje, što adbyvajecca va Ukrainie apieracyjaj abo śpiecapieracyjaj, ale adnojčy prahavaryŭsia i nazvaŭ vajnu vajnoj.

Taksama ŭ efiry była zakranutaja tema čerhaŭ u punktach propusku na miežach z krainami ES. Łapo raspavioŭ, što

Biełaruś sa svajho boku robić usio, ale sumiežny bok pomścić nam za biaźviz i za inšyja dobryja pačynańni, jakija my robim.

Łapo paskardziŭsia na toje, što sumiežnyja krainy nie vykonvajuć svaje abaviazki pa propusku transpartu. Pavodle jaho słoŭ, biełaruski bok afarmlaje mašynu za 2-3 chviliny, a tam pastaŭlenaja zadača afarmlać mašynu nie mienš za 20 chvilin, inakš supracoŭnik budzie pakarany. Pa słovach staršyni DPK, čerhi na miežach isnujuć tolki na ŭjezd (u ES), na vyjezd ich nibyta nie byvaje. 

«Ni adnoj mašyny pa našaj vinie ŭ čarzie stajać nie budzie», — zapeŭniŭ Anatol Łapo ŭ efiry dziaržkanała. 

Staršynia DPK paviedamiŭ, što za ŭvieś čas isnavańnia biaźvizavaha režymu Biełaruś naviedali amal 400 tysiač zamiežnikaŭ. Kala 70% ź ich pryjechali da nas ź Litvy. 

Taksama biez uvahi nie zastalisia i tema nielehalnaj mihracyi. Łapo aburaŭsia, što Polšča ŭźviała płot na miažy ź Biełaruśsiu. 

Staŭleńnie jeŭrapiejskich pamiežnikaŭ da nielehalnych mihrantaŭ, jakich biełaruski bok bieśpieraškodna prapuskaje, u efiry nazvali fašysckim.

Łapo ahučyŭ, što za minuły hod było zafiksavana bolš za 30 tysiač sprob vyciskańnia mihrantaŭ za miažu. Pa jaho słovach, niekatorych ź ich zatrymlivajuć užo na terytoryi Hiermanii, paśla čaho viazuć na miažu, kab praz bramki ŭ płocie vypchnuć u Biełaruś. 

Pavodle Łapo, asnoŭnyja namahańni sioleta buduć skancentravanyja na ŭkrainskim kirunku. Zadačy na hety hod: pavyšeńnie bajavoj hatoŭnaści, naroščvańnie bajavych mahčymaściaŭ manieŭranych hrup, udaskanaleńnie infrastruktury miežaŭ, uźviadzieńnie novych rubiažoŭ achovy i asnaščeńnie ich «samymi sučasnymi techničnymi srodkami» na najbolš niebiaśpiečnych učastkach.

Kamientary27

  • Jo
    28.01.2023
    Voś tamu i treba viartać Kanstytucyju 1994. Jaje nichto lehalna nie admianiaŭ i nie źmianiaŭ, a heta značyć što jana dziejučaja. Pa Kanstytucyi 1994 hoda Dziaržaŭny ściah Bieł-čyrvona-bieły i za abrazu dziaržaŭnaha ściaha praduhledžana pakarańnie.
  • Mar
    28.01.2023
    On žie nieskolko let słužił pod bčb fłahom, hranicu ochraniał, tak skazať.
    Tohda on nie był dla nieho triapkoj? Ili on łovko skryvał svoju
    priedatielskuju suŝnosť i užie tohda miečtał pomieniať jeho na rośsijskij?
  • Vsio po miestu
    28.01.2023
    Tipičnyj jabaťka, kotoryj nienavidit Biełaruś, Biełaruskij Nacionalnyj fłah i hierb, kotoryj nienavidit biełaruskij jazyk, biełaruskuju kulturu i słužit chołopom u rośsijskoho haulajtiera łukašienko, kotoroho naznačił russkij caŕ, priesmykajaś i prisłuživaja russkim choziajevam.

Ciapier čytajuć

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT12

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT

Usie naviny →
Usie naviny

Što chavajecca za bananavaj industryjaj Kosta-Ryki. U Jeŭropu traplajuć «čystyja» banany, ale chto raspłačvajecca za heta?13

Kala stancyi mietro «Puškinskaja» zdaryłasia masavaja avaryja4

Cichanoŭskaja pra prapahandyscki film BT: My nikoli nie budziem ryzykavać ludźmi25

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady29

Prakapienia pradaŭ kryptabiržu Currency ź biełaruskimi karaniami inviestaram3

Alaksiej Protas ustanaviŭ biełaruski rekord pa bałach u NCHŁ

Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu6

bolš čytanych navin
bolš łajkanych navin

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT12

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT

Hałoŭnaje
Usie naviny →

Zaŭvaha:

 

 

 

 

Zakryć Paviedamić