Vitala Brahinca abvinavačvali pa čatyroch artykułach KK — ab raspalvańni varožaści, zaklikach da dziejańniaŭ suprać nacbiaśpieki, stvareńni ekstremisckaha farmavańnia abo ŭdziele ŭ im i hrubym parušeńni paradku. Spravu dva tydni ŭ zakrytym režymie razhladała sudździa Alena Ananič, piša «Viasna».
Vitala Brahinca zatrymali 23 traŭnia 2022 hoda i dvojčy zapar aryštavali na 15 sutak. Praz aryšt jon nie zmoh patrapić na sud svajho padabaronnaha advakata Andreja Mačałava.
Jak raspaviali pravaabaroncam jaho sukamierniki, u Brahinca znajšli fota z akcyj pratestu, ale jaho samoha na ich nie było, tamu nie viedali, što jamu inkryminavać.
Voś, što raspaviadaŭ adzin z sukamiernikaŭ Brahinca ŭ IČU na Akreścina ŭ červieni 2022 hoda: «Vital małajčyna, trymaŭsia badziora. Jon nikoli nikomu nie admaŭlaŭ u kansultacyi na miescy. Ale jon taksama amal straciŭ hołas ad chvaroby. Vital raspaviadaŭ, jak absurdna jaho aryštavali: prosta pierad tym, jak jamu treba było jechać da klijenta. Zdajecca, heta byŭ KDB i musiŭ jechać u SIZA KDB.
U dzień vyzvaleńnia jaho zabrali zranku z kamiery. A vychodzić jamu treba było paśla abiedu. My zrazumieli, što heta niadobry znak».
U vyniku, Vitalu adrazu pradjavili abvinavačvańnie pa art. 342 Kryminalnaha kodeksa, ale kančatkovaje abvinavačvańnie pašyryłasia ažno da čatyroch artykułaŭ Kryminalnaha kodeksa.
9 vieraśnia 2022 hoda MUS pryznaŭ «ekstremisckim farmavańniem» Telegram-čat «Biełaruskija advakaty».
Brahiniec abaraniaŭ niekatorych palitviaźniaŭ, u tym liku staršyniu Pravaabarončaha centra «Viasna» Alesia Bialackaha, a taksama advakata Andreja Mačałava, jaki na sudzie zastaŭsia biez abarony praz aryšt Brahinca.
Jak vyhladaje znutry rezidencyja Łukašenki «Krasnasielskaje»13
Kamientary