Śviet33

Pucinu pabudavali jašče i sakretnuju sietku čyhunak i stancyj — jany viaduć da jaho rezidencyj

Da ŭsich asnoŭnych rezidencyj Uładzimira Pucina padviali čyhunačnyja šlachi, a pobač pabudavali sakretnyja stancyi, vyśvietliła vydańnie «Prajekt».

Heta paćviardžaje paviedamleńnie centra «Daśje» pra toje, što kiraŭnik rasijskaj dziaržavy ŭ apošni čas staŭ čaściej karystacca ciahnikom, a nie samalotam.

Rezidencyja Pucina na Vałdai

Uvosień 2022 hoda karespandent «Prajekta» vyjaviŭ na terytoryi Vałdajskaha nacyjanalnaha parku achoŭnuju čyhunačnuju stancyju ź viertalotnaj placoŭkaj pobač ź vioskaj Doŭhija Barody — heta najbližejšy nasieleny punkt da lubimaj Pucinym Vałdajskaj rezidencyi. Troje miascovych žycharoŭ paviedamili, što stancyja i śpiecyjalnaja čyhunačnaja halina da jaje pabudavanyja tolki dla kiraŭnika dziaržavy, a achoŭnik prahnaŭ karespandenta, kali jon pasprabavaŭ padyści da płota achoŭnaj stancyi.

«Raniej la Vałdaja čyhunka była ŭ žachlivym stanie, pa joj možna było jechać nie bolš za 15-25 km/h. Kali pačali rychtavać čyhunku da rezidencyi na Vałdai, to častku isnujučych šlachoŭ, pa jakich pavinien byŭ prajści sastaŭ Pucina, adramantavali, a tyja ŭčastki, kudy jamu nie treba, ramantavać nie stali», — raspavioŭ «Prajektu» były mašynist, jaki pracavaŭ na maršrucie pamiž Maskvoj i Sankt-Pieciarburham i nie raz, pa jaho słovach, bačyŭ śpiećciahnik prezidenta Rasii. Zhodna sa spadarožnikavymi zdymkami, stancyja i čyhunka dla Pucina na Vałdai byli pabudavanyja ŭ 2019 hodzie.

Nova-Aharova

Zhodna sa spadarožnikavymi zdymkami, stancyja ŭ Nova-Aharovie źjaviłasia ŭ 2015 hodzie — jana raźmieščanaja za 400 mietraŭ ad rezidencyi Pucina ŭ Maskoŭskaj vobłaści. Ziamla pad stancyjaj była kanfiskavanaja z pryvatnaj ułasnaści na karyść fiederalnaj słužby achovy rašeńniem tahačasnaha premjer-ministra Dźmitryja Miadźviedzieva. Sama śpiecstancyja raźličanaja na nievialikuju kolkaść vahonaŭ i schavanaja za vysokim płotam, na jakim praz kožnyja 10 mietraŭ ustanoŭlenyja kamiery nazirańnia.

Sočy

Dla spynieńnia ciahnika ŭ sočynskaj rezidencyi «Bačaraŭ ručaj» u rajonie 2017 hoda źjaviłasia i novaja płatforma, i tupikovaja čyhunačnaja halina, prychavanaja ad šlachoŭ, pa jakich chodziać elektryčki, vysokim płotam.

Śpiećciahnik Pucina nie raz traplaŭ u abjektyŭ trejnspoteraŭ i rabotnikaŭ čyhunki. Naprykład, u listapadzie 2018 hoda abo ŭ krasaviku 2020 hoda. Pa słovach byłoha mašynista, ź jakim parazmaŭlaŭ «Prajekt», bronieciahnik Pucina bazujecca ŭ depo na stancyi «Maskva-Kałančoŭskaja», dzie znachodzicca zakryty vakzał dla vip-pierson. Hety śpiecvakzał, jak pierakanaŭsia karespandent «Prajekta», i ciapier funkcyjanuje — vysoki płot dadatkova ŭmacavany kalučym drotam. U 2017 hodzie prosta da pierona vip-vakzała na Kałančoŭcy pakłali novuju aŭtadarohu dla kartežu. Śpiećciahnik prezidenta naležyć kampanii «Hrand-servis ekspres», jakaja była źviazanaja ź blizkim siabram Pucina Juryjem Kavalčukom.

Vierahodna, śpiećciahnik Pucina. Skrynšot videa

Učora rasijskija ŚMI paviedamili, što Pucin moh pačać addavać pieravahu bronieciahniku ź mierkavańniaŭ biaśpieki. U adroźnieńnie ad samalotaŭ, ciahnik składaniej adsačyć, tamu što servisaŭ dla trekinhu pasažyrskich ciahnikoŭ u režymie realnaha času niama.

Akramia taho, dźvie rezidencyi Pucina, kudy jon naviedvajecca, raźmieščanyja na ŭźbiarežžy Čornaha mora, dzie paloty abmiežavanyja praz vajnu.

U bronieciahniku jość vahon sa spalniaj i pracoŭnym kabinietam, vahon dla supravadžalnaha piersanału i vahon dla śpiecsuviazi.

Vonkava bronieciahnik padobny na zvyčajny, tolki zamiest čatyroch vosiaŭ u jaho šeść, zamiest adnaho łakamatyva — niekalki, a na dachu raźmieščanaje śpiecabstalavańnie.

Kamientary3

  • Pupka
    14.02.2023
    Harbatki z pałonijam jamu ŭžo nalivajuć
  • ptn chło
    14.02.2023
    Broniepojezd, fiekalnyj čiemodančik, sieť žd połotna dla izbrannych. Čto-to mnie eto napominajet, čto-to podobnoje užie było v istorii, kohda k dvorcam prikładyvałaś vsia infrastruktura, čtoby oni s komfortom kupaliś tam v roskoši, v to vriemia kak prostyje chołopy chodiat v tualet sortirnoho tipa s dyrkoj v połu. Vot i vsia vieličnosť rośsii.
  • **
    14.02.2023
    znoŭ film
    «Skvoź śnieh» (anhł. Snowpiercer, kor. 설국열차) — postapokaliptičieskij triller južnokoriejskoho riežiśsiora Pon Čžun Cho
    uspaminajecca

Ciapier čytajuć

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie4

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie

Usie naviny →
Usie naviny

Turčyn: Pieralik tavaraŭ z rehulavanymi cenami skarociać3

Ukraincy ŭziali ŭ pałon uradženca Mahilova i prysudzili jamu 15 hadoŭ za dziaržaŭnuju zdradu10

«My budziem adkazvać na ŭsie ŭdary z boku Rasii». Zialenski adreahavaŭ na zajavu Kramla paśla pieramoŭ z ZŠA3

U Biarozaŭskim rajonie žančyna nabyła praz aŭkcyjon chatu svajoj babuli3

Alaksandr Ivulin zavioŭ miłaha sabaku. Pra takuju parodu vy, mahčyma, nie čuli17

«Tramp, vidać, nie pahadziŭsia na hetyja varjackija ŭmovy»: pieršyja reakcyi na razmovu Trampa z Pucinym8

Maršrutka dla tych, chto kuryć, ci samahonny aparat na kołach? U Babrujsku zaŭvažyli niezvyčajnaje aŭto1

«Vielmi dobraja i praduktyŭnaja». Tramp prakamientavaŭ svaju razmovu z Pucinym4

Jakija nazvy vulic samyja papularnyja ŭ Biełarusi?5

bolš čytanych navin
bolš łajkanych navin

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie4

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie

Hałoŭnaje
Usie naviny →

Zaŭvaha:

 

 

 

 

Zakryć Paviedamić