Zdaroŭje

Navukoŭcy zapłaciać vam bolš za 4000 dalaraŭ za vyprabavańnie srodka ad dyjarei

Amierykanskija daśledčyki šukajuć dobraachvotnikaŭ dla vyprabavańnia ekśpierymientalnaj vakcyny suprać bakteryj šyhieł — hałoŭnaj pryčyny dyzienteryi.

Fota: vecteezy

Kali vy hatovyja vytrymać tydniovuju dyjareju za 4 tysiačy dalaraŭ, značyć, vam pašancavała. Daśledčyki z Emory Vaccine Center zaraz nabirajuć zdarovych dobraachvotnikaŭ dla ŭdziełu ŭ vyprabavańni ekśpierymientalnaj pieraralnaj vakcyny suprać bakteryj šyhieł (Shigella).

Hetyja bakteryi mohuć vyklikać takija simptomy, jak dyjareja, lichamanka, młosnaść, vanity. Šyhieły taksama źjaŭlajucca pryčynaj dyzienteryi — ahulnaha termina dla kišečnych infiekcyj, jakija mohuć vyklikać kryvavy panos. Bolšaść vypadkaŭ prachodzić samastojna: ludziam zvyčajna patrabujecca tolki dastatkovaja kolkaść vadkaści i adpačynak.

Ale časam šyhieły mohuć vyklikać ciažkija, navat śmiarotnyja ŭskładnieńni, asabliva ŭ ludziej z asłablenaj abo niedastatkova raźvitaj imunnaj sistemaj, naprykład, u vielmi małych dziaciej. Uskładnieńni mohuć uklučać kurč, siepsis i ŭ zapuščanych vypadkach navat pryvieści da nyračnaj niedastatkovaści. Šyhieły mohuć raspaŭsiudžvacca praź ježu, vadu, padhuźniki i navat padčas seksu.

Niahledziačy na ​​toje, što siońnia dyzienteryja ličycca nie nadta niebiaśpiečnym zachvorvańniem, jana zastajecca surjoznaj pahrozaj dla hramadskaha zdaroŭja, asabliva ŭ častkach śvietu z drennymi sanitarnymi ŭmovami i miedycynskim absłuhoŭvańniem. Zhodna z danymi Suśvietnaj arhanizacyi achovy zdaroŭja, šyhieła — heta hałoŭnaja pryčyna zachvorvańnia na bakteryjalnuju dyjareju va ŭsim śviecie i druhaja pa značnaści pryčyna śmiarotnaści ad dyjarei, bo štohod jana pryvodzić da bolš čym 200 000 śmierciaŭ.

Dla lačeńnia ciažkich infiekcyj, vyklikanych hetaj bakteryjaj, zvyčajna vykarystoŭvajucca antybijotyki. Ale apošnija hady raście kolkaść štamaŭ šyhieły, ustojlivych da antybijotykaŭ. Tamu roznyja hrupy navukoŭcaŭ, u tym liku hrupa z Emory Vaccine Center u Atłancie, štat Džordžyja, sprabujuć raspracavać vakcynu suprać hetaj bakteryi.

Vakcyna kamandy z Atłanty vykarystoŭvaje asłablenuju viersiju hetaj bakteryi. Druhaja faza vyprabavańnia aficyjna pačałasia jašče ŭ kastryčniku minułaha hoda, ale kamanda ŭsio jašče aktyŭna nabiraje ŭdzielnikaŭ. Navukoŭcy płanujuć zarehistravać 120 zdarovych dobraachvotnikaŭ va ŭzroście ad 18 da 49 hadoŭ bieź viadomaj historyi zachvorvańnia na šyhiełu abo sindromu razdražnionaha kišečnika.

Vałanciory buduć vypadkovym čynam padzielenyja na try hrupy. Adna hrupa prymie (pieraralna) dźvie dozy vakcyny; druhaja vypje adnu dozu vakcyny i płaceba; a treciaja budzie pić tolki płaceba. Paśla ŭsie try hrupy buduć vypivać napoj, jaki źmiaščaje šyhieł. Zatym udzielniki buduć špitalizavanyja na termin da 11 dzion, kab za imi možna było nazirać. U jakaści zaachvočvańnia da ŭdziełu ŭ vyprabavańni vałancioram prapanujecca 4250 dalaraŭ, jakija jany zmohuć atrymać ciaham vaśmi miesiacaŭ.

Kali vy znachodziciesia ŭ patrebnym miescy, to, mahčyma, heta vaš šaniec. Vyprabavańni buduć pravodzicca ŭ klinicy Emory's Hope Clinic u Džordžyi i ŭ Cincinnati Children's Hospital Medical Center u Ahaja.

Kamientary

Ciapier čytajuć

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty7

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Usie naviny →
Usie naviny

Błohierka skrała dzicia vombata ŭ jahonaj maci. Heta aburyła ŭsiu Aŭstraliju4

Cichanoŭskaja: Siońniašni dzień kaliści stanie sapraŭdnym śviatam6

Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa

Na vajnie źnik bieź viestak «Biełarus» — žychar Baraŭlanaŭ, jaki ŭchilaŭsia ad biełaruskaha vojska, ale pajšoŭ pamirać za Rasiju9

Pa Minsku ŭžo jeździać pieršyja «vaśmiorki». Usie samyja «pryhožyja» kambinacyi numaroŭ u DAI ŭžo razabrali7

Siońnia nočču pa ŭsioj Biełarusi byŭ maroz

Dziaŭčyna paprasiła ŭ kazino bolš jaje nie puskać, a jaje adpravili ŭ padatkovuju

«Hiermanija viartajecca»: budučy kancler Mierc damoviŭsia ab reformie abmiežavańniaŭ na dziarždoŭh

Jak vybrać film ci sieryjał na viečar? Sačycie za hetymi resursami6

bolš čytanych navin
bolš łajkanych navin

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty7

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Hałoŭnaje
Usie naviny →

Zaŭvaha:

 

 

 

 

Zakryć Paviedamić