Novyja hiendyrektary ŭ «Biełšyny», «Biełmiedtechniki», novyja namieśniki ministraŭ, novy mer Bresta i inšyja kadravyja pierastanoŭki
Alaksandr Łukašenka 27 sakavika pravioŭ maštabnyja kadravyja pierastanoŭki, paviedamlaje BiełTA.
Alaksandr Kavaloŭ pryznačany hienieralnym dyrektaram AAT «Biełšyna». Na pradpryjemstvie Kavaloŭ pracavaŭ namieśnikam hałoŭnaha inžyniera pa techničnym raźvićci.
Ihar Sysoj staŭ hienieralnym dyrektaram AAT «Baranavickaje vytvorčaje bavaŭnianaje abjadnańnie», Siarhiej Sahłajeŭ — hiendyrektaram AAT «Dałamit».
Hienieralnym dyrektaram vytvorča-handlovaha RUP «Biełmiedtechnika» naznačyli Ihara Dziemidzienku.
Atrymali naznačeńni novyja namieśniki ministraŭ u MARH i Minekanomiki. Tak, Andrej Kartun, jaki pracavaŭ namieśnikam ministra antymanapolnaha rehulavańnia i handlu, zojmie anałahičnuju pasadu ŭ Ministerstvie ekanomiki.
Na miesca namieśnika ministra ŭ MARH, jakoje vyzvaliłasia, piarojdzie Natalla Vasileŭskaja, jakaja da hetaha času kiravała adździełam zabieśpiačeńnia dziejnaści Pastajannaj kamisii pa rehijanalnaj palitycy i miascovym samakiravańni sakrataryjata Savieta Respubliki Nacyjanalnaha schodu Biełarusi.
Juryj Horbič, jaki zajmaŭ pasadu zahadčyka kafiedry infiekcyjnych chvarob i dziciačych infiekcyj Biełaruskaj miedycynskaj akademii paśladypłomnaj adukacyi, uzhodnieny namieśnikam ministra achovy zdaroŭja.
Taksama Łukašenka daŭ zhodu na naznačeńni ŭ kiraŭnictvie šeraha abłasnych, haradskich i rajonnych vykanaŭčych kamitetaŭ.
Dźmitryj Pietražycki ŭzhodnieny na pasadu pieršaha namieśnika staršyni Homielskaha abłvykankama. Raniej jon kiravaŭ kamitetam sielskaj haspadarki i charčavańnia hetaha abłvykankama.
Na pasadu pieršaha namieśnika staršyni Minharvykankama ŭzhodniena Nadzieja Łazarevič, jakaja była namieśnikam staršyni Minharvykankama.
Staršynioj Bresckaha harvykankama pryznačyli Siarhieja Łabadzinskaha, jaki da hetaha času pracavaŭ kiraŭnikom spraŭ Bresckaha abłvykankama.
Zamiest jaho pasadu kiraŭnika spraŭ zojmie Dźmitryj Ułasik, jaki pracavaŭ pieršym namieśnikam staršyni kamiteta pa architektury i budaŭnictvie Bresckaha abłvykankama — načalnikam upraŭleńnia inviestycyj, budaŭnictva, likvidacyi nastupstvaŭ avaryi na Čarnobylskaj AES.
Staršynioj Homielskaha rajvykankama ŭzhodnieny Dźmitryj Kozieł. Siudy jon piarojdzie z pasady pieršaha namieśnika staršyni Homielskaha abłvykankama.
Akramia taho, Łukašenka daŭ zhodu na naznačeńnie novych kiraŭnikoŭ šaści rajonaŭ: Dobrušskaha, Vilejskaha, Uździenskaha, Kruhlanskaha, Chocimskaha, Čavuskaha, — a taksama kiraŭnika administracyi Čyhunačnaha rajona Homiela.
Kamientary