Śviet99

Rasijskija hastralory inscenirujuć antyŭkrainskija mitynhi ŭ Jeŭropie — Le Monde

Francuzskaja hazieta sabrała dokazy taho, što akcyi ŭ roznych haradach Jeŭropy pravodzili tyja samyja hrupy ludziej, jakija kaardynujucca z Maskvy.

Udzielniki akcyj pratestu z antyŭkrainskimi łozunhami
Žurnalisty zdoleli indentyfikavać piać čałaviek, jakija ŭdzielničali ŭ akcyjach pratestu z antyŭkrainskimi łozunhami. Fota: Le Monde

Jak śćviaržajecca ŭ publikacyi, Le Monde u partniorstvie z rasijskim apazicyjnym internet-ŚMI «Cientr «Dośje» i šeraham jeŭrapiejskich ŚMI, siarod jakich Süddeutsche Zeitung, Westdeutscher Rundfunk, Expressen, Delfi atrymaŭ i paćvierdziŭ sapraŭdnaść dakumientaŭ, aŭtarstva jakich prypisvajecca rasijskim śpiecsłužbam.

U artykule cytujecca dakumient, jaki źmiaščaje spravazdaču pra chod apieracyi 5 sakavika na płoščy Sien-Pjer u Paryžy. U dakumiencie paznačanyja dźvie mety mierapryjemstva:

«pakazać niaŭdziačny i pravakacyjny charaktar ​​ukrainskaj reakcyi na trahiedyju ŭ Turcyi (ziemlatrus); padkreślić destruktyŭnuju nacysckuju sutnaść praŭkrainskich aktyvistaŭ i ŭkrainskaha hramadstva pad uładaj U. Zialenskaha ŭ cełym».

U kancy dakumienta pryvodziacca kala šaścidziesiaci spasyłak na publikacyi ŭ Facebook, TikTok i YouTube, dzie byli raźmieščanyja fota i videa ź mierapryjemstva.

Žurnalisty Le Monde zdoleli prasačyć bolš za dziasiatak akcyj, jakija adbylisia sa śniežnia 2022 pa krasavik 2023 hoda ŭ Paryžy, Haazie, Madrydzie i Brusieli. Niekatoryja ich udzielniki vykazvalisia suprać Ukrainy. U vyniku žurnalisty zdoleli identyfikavać adnych i tych ža ŭdzielnikaŭ i adnatypnyja publikacyi ŭ sacyjalnych sietkach.

Jak śćviardžajecca ŭ artykule, praces zaŭsiody adzin i toj ža: troje mužčyn vychodziać na demanstracyi, nie źviazanyja z vajnoj va Ukrainie, i fatahrafujucca siarod natoŭpu z płakatami z adnolkavym źmiestam: «NATA, spyni bambić Danieck» i «Nie dasyłajcie bolš zbroi va Ukrainu! Zialenski bambić Łuhansk i Danieck».

Pry hetym, jak adznačajuć aŭtary, adzin ź psieŭdapratestoŭcaŭ zdoleŭ pabyvać na niekalkich mitynhach na praciahu troch dzion.

Aŭtary taksama vyjavili, što bolšaść publikacyj u Facebook ab udziele ŭ mitynhach raźmieščanyja na troch profilach: Aymen H., Annie C. i Mohamed T. Samy aktyŭny, Aymen H., u jakoha najbolš publikacyj pra akcyju na płoščy Sien-Pjer u Paryžy, u hetaj sacyjalnaj sietcy padpisany jak žychar pravincyi Buira ŭ Ałžyry. Pry hetym jon padaŭ rasijski numar telefona.

Žurnalisty zdoleli znajści profil maładoha čałavieka va Ukantakcie, a taksama jaho akaŭnt u TikTok. Tam jon zhadvaje pra svajo žyćcio ŭ Sankt-Pieciarburhu i publikuje videa svajho znachodžańnia ŭ hetym horadzie ŭ lipieni 2022 hoda.

U artykule śćviardžajecca, što pavodle pašpartnych źviestak, atrymanych Centram «Daśje», Aymen H. prybyŭ u Rasiju dla navučańnia ŭ 2019 hodzie. U 2020 hodzie jon niekalki razoŭ vyjazdžaŭ u Stambuł i Ałžyr.

U kancy śniežnia 2022 hoda małady čałaviek dałučyŭsia ŭ Facebook da niekalkich hrup z abviestkami ab pracy ŭ Paryžy, Brusieli i Madrydzie i staŭ publikavać tam prapanovy, što prapanuje ad 80 da 100 jeŭra za padpracoŭku, jakaja zaklučajecca ŭ fatahrafavańni z płakatam.

Praź niekalki hadzin paśla taho, jak žurnalisty źviazalisia z uładalnikami dvuch profilaŭ (Aymen H., Mohamed T.), ich ulikovyja zapisy byli vydalenyja.

Aŭtary artykuła adznačajuć, što ŭ spravazdačy rasijskich śpiecsłužbaŭ apieracyja ŭździejańnia, praviedzienaja na płoščy Sien-Pjer u Paryžy 5 sakavika, mieła vialiki pośpiech. Byccam by infarmacyjaj pra jaje było achoplena bolš za «100 000 karystalnikaŭ».

Ale na samaj spravie, bolšaść paviedamleńniaŭ u Facebook, znojdzienych Le Monde, nie vyklikali nijakaj reakcyi abo jana była vielmi niaznačnaja. Žurnalisty adznačajuć, što

«videaroliki, apublikavanyja na YouTube i TikTok, zhienieravali paŭtary tysiačy prahladaŭ i niekalki sotniaŭ łajkaŭ. Ale z 82 apublikavanych kamientaryjaŭ pieravažnaja bolšaść, vierahodna, pachodzić ad «botaŭ» — falšyvych akaŭntaŭ, jakija vykarystoŭvajucca dla štučnaha pavieličeńnia ich kolkaści. Kamientary biazdumnyja, skapijavanyja i ŭstaŭlenyja biez pravak, i byli raźmieščanyja profilami bieź imion i proźviščaŭ abo fotaŭ profilu».

Le Monde cytuje supracoŭnicu amierykanskaha analityčnaha centra Atlantic Council Niku Alaksiejevu (Nika Aleksejeva), jakaja śćviardžaje:

«Vialikija kampanii [pa raspaŭsiudžvańni infarmacyi ŭ sacsietkach] chutka zaŭvažajucca i vydalajucca [płatformami]. Kali ŭkładać vialikija hrošy, heta moža pryvieści da vialikich strataŭ. Tamu Rasija addaje pieravahu nievialikim kampanijam».

U kancy svajho materyjału aŭtary śćviardžajuć, što razhornutaja kampanija ŭ sacyjalnych sietkach pa dyskredytacyi Ukrainy nie mieła efiektu siarod realnych karystalnikaŭ. Efiekt byŭ zvarotny:

«Pamierci ad śmiechu… Hetyja psieŭdapratestoŭcy dokaz taho, što Pucin razumieje, što jon nie vyjhraje hetaj vajny», — cytujuć žurnalisty adzin z kamientaryjaŭ u Facebook, jaki byŭ napisany ŭ kancy krasavika.

Kamientary9

  • mikola
    08.05.2023
    Vos pravakatary! Var*jaty !
  • Za Svabodu!
    08.05.2023
    Nabrali pa abjavie niekalkich za 100 jeŭra pastajuć z rasijskim prpahandysckim płakatam. Voś i vieś uzrovień maskoŭskaj fsb. Chto b sumniavaŭsia.
  • Axel Justas
    08.05.2023
    Voś što takoje jakasnaje žurnalisckaje daśledvańnie. Skazać by pra heta Azaronku, dy jon ža ž nie zrazumieje...

Ciapier čytajuć

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Usie naviny →
Usie naviny

Vajaroŭ biełaruskaha bataljona «Vołat» prymusova pieravodziać u inšyja padraździaleńni18

Łukašenka: Nijakaj vajny ź Jeŭropaj Pucin nie płanuje. Kali b płanavaŭ — ja b dakładna viedaŭ13

Zialenski: Kurskaja apieracyja vykanała svajo zadańnie4

Praz try miesiacy paśla vyzvaleńnia z navapołackaj kałonii pamior były palitviazień. Jamu było 485

Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ

U AirPods płanujuć dadać sinchronny pierakład razmovy

Łukašenka pra Zialenskaha: Vałodzia jak syn mnie byŭ, ale pastupiŭ jak hnida32

Hienštab USU abvierh zajavu Trampa ab «akružeńni ŭkrainskich vojskaŭ»2

Čały analizuje zadačy, jakija Łukašenka pastaviŭ novamu ŭradu3

bolš čytanych navin
bolš łajkanych navin

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu12

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu

Hałoŭnaje
Usie naviny →

Zaŭvaha:

 

 

 

 

Zakryć Paviedamić