Hramadstva5050

«Anšłaha na kancercie da Dnia Rasii nie było. Padtrymka Rasii biełarusami nijakaja» — Mirsalimava

Adna ź viadomych prarasijskich aktyvistak i prapahandystak «ruskaha śvietu» ŭ Biełarusi Elvira Mirsalimava čakała ad učarašniaha mierapryjemstva ŭ Minsku, pryśviečanaha śviatkavańniu Dnia Rasii, kudy bolšaha, čym akazałasia ŭ realnaści. I svajo rasčaravańnie tym, što ŭbačyła, nie ŭtrymałasia i vyliła ŭ sacsietki.

Kancert da Dnia Rasii ŭ Minsku. Skrynšot videa

«Tak, skažam ščyra, anšłaha na ŭčarašnim kancercie, pryśviečanym Dniu Rasii ŭ Minsku, nie było», — pryznaje Mirsalimava ŭ svaim telehram-kanale.

I robić zusim śmiełuju jak dla idejnaha «ruskamirca» vysnovu:

«Uličvajučy, što bolš za pałovu z hetych ludziej pryjechała centralizavana (pa žadańni) ź inšych haradoŭ, možna śmieła kanstatavać, što, na žal, padtrymka Rasii biełaruskimi hramadzianami — nijakaja. Za rasijskija ściažki nie bjuć u biełaruskaj stalicy — užo dobra, dy i toje — achoŭnaja zona. A što tam śpieje za joj i ŭ hałovach maładych biełarusaŭ — Boh viedaje. Što zaŭhodna, ale dakładna nie luboŭ da Rasii».

«Sistemnyja nacyjanalisty» robiać svaju spravu. Nie śpiašajučysia, sistematyčna, pad maskaj «braterskanarodnaha siabroŭstva» pastupova adryvajuć na mientalnym uzroŭni biełaruskich hramadzian ad Rasii. A kab hetyja pracesy mocna nie kidalisia ŭ vočy, nam z tryumfam buduć paviedamlać pra čarhovuju stopiaccot padpisanuju intehracyjnuju kartu…» — padsumoŭvaje prarasijskaja aktyvistka. 

Apošniaje vykazvańnie varta razhladać u kantekście ŭnutranych supiarečnaściaŭ u łahiery łukašystaŭ, dzie jość jak adkrytyja nienaviśniki absalutna lubych prajaŭ biełaruskaści nakštałt Volhi Bondaravaj, Śviatłany Žyhimont ci toj ža Mirsalimavaj, tak i dziejačy nakštałt Ihara Marzaluka, Marata Markava ci Ilji Biehuna, jakija, poŭnaściu padtrymlivajučy Łukašenku i jahony režym i źviazaŭšy ź im usiu svaju budučyniu, usio ž nie chočuć całkam niščyć nacyjanalnyja admietnaści nakštałt biełaruskaj movy i kultury, imknučysia, chutčej, pastavić ich sabie na słužbu. Mienavita ich i maje Mirsalimava na ŭvazie pad «sistemnymi nacyjanalistami», ź jakimi jana viadzie zmahańnie.

U toj ža čas pryznańnie z boku pałymianaj adeptki «ruskamirstva», što ŭ nadzvyčaj rusifikavanaj u moŭnym płanie i surova «začyščanaj» trochhadovymi niaspynnymi represijami Biełarusi jana nie adčuvaje masavaj padtrymki svaich idej, nie moža nie ciešyć.

Kamientary50

  • Ff
    10.06.2023
    Biełarusy i Hitlera nie padtrymlivali.
  • Biełarus
    10.06.2023
    Chto palubić "ruski mir" - pajezdie da HUŁAHu ź ciaham času, prykład Stalina i inšych "ruskasavieckamirskich" - DASKANAŁY i NAHLADNY!!!
  • Ona strannaja
    10.06.2023
    Ona strannaja do nie mohu.
    Rośsija, russkije, vo vsiej svojej krasie pokazali svojo istinnoje nutro v Ukrainie, pokazali svoju "lubov́" k "bratskomu", ukrainskomu Narodu.
    Luboj biełorus, v zdravom umie i pamiati, ponimajet, čto russkije i Rośsija lubiat biełorusov takoj žie lubov́ju, kak i ukrainciev.
    Eto raz.
    A jeśli smotrieť na totalnoje vorovstvo i totalnyj obman russkoho naroda, rośsijskimi elitami, smotrieť na modiel rośsijskoho hosustrojstva, to luboj biełorus pošlot lesom vaši skriepy i vas. Eto dva.
    Biełorusy nie chotiat byť ṕjanymi i niŝimi v bohatoj stranie, na čto sohłasny rośsijanie.
    Eto tri.

Ciapier čytajuć

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty11

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Usie naviny →
Usie naviny

U ZŠA padumvajuć zabaranić ujezd u krainu hramadzianam Biełarusi ź imihracyjnymi i turystyčnymi vizami71

U ruki siłavikoŭ trapili dakumienty Asacyjacyi biełaruskich dobraachvotnikaŭ. Jak heta mahło adbycca?8

Błohierka skrała dzicia vombata ŭ jahonaj maci. Heta aburyła ŭsiu Aŭstraliju4

Cichanoŭskaja: Siońniašni dzień kaliści stanie sapraŭdnym śviatam6

Znajšłosia jašče adno paćviardžeńnie taho, što «Amkadoram» kiruje nie Šakucin, a mieniedžary BiełAZa

Na vajnie źnik bieź viestak «Biełarus» — žychar Baraŭlanaŭ, jaki ŭchilaŭsia ad biełaruskaha vojska, ale pajšoŭ pamirać za Rasiju10

Pa Minsku ŭžo jeździać pieršyja «vaśmiorki». Usie samyja «pryhožyja» kambinacyi numaroŭ u DAI ŭžo razabrali7

Siońnia nočču pa ŭsioj Biełarusi byŭ maroz

Dziaŭčyna paprasiła ŭ kazino bolš jaje nie puskać, a jaje adpravili ŭ padatkovuju

bolš čytanych navin
bolš łajkanych navin

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty11

Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty

Hałoŭnaje
Usie naviny →

Zaŭvaha:

 

 

 

 

Zakryć Paviedamić