Ekanomika33

U Ščorsach znoŭ pradajuć častku byłoha majontka Chraptovičaŭ, užo za biescań

U vioscy Ščorsy ŭ Navahrudskim rajonie płanujuć pradać budynak byłoj viandlarni ŭ siadzibie Chraptovičaŭ. Cana abjekta — 37 rubloŭ, paviedamlaje Hrodna.life. Aŭkcyjon adbudziecca 7 žniŭnia 2023 hoda.

Pabudova ŭniesienaja ŭ śpis historyka-kulturnych kaštoŭnaściej i znachodzicca na bałansie Navahrudskaha rajvykankama. Pavodle ŭmoŭ aŭkcyjonu, novy ŭładalnik pavinien raspracavać i zaćvierdzić prajekt rekanstrukcyi nie paźniej čym praz dva hady z momantu zaklučeńnia damovy.

Ramont treba pravieści nie paźniej čym praz try hady ad zaklučeńnia damovy. Pad što možna pierarabić byłuju viandlarniu, va ŭmovach aŭkcyjonu nie paviedamili.

Nižniaja častka budynka cahlanaja, nad joj vysoki dach, kryty hontaj. Na dachu płaŭnymi linijami vystupajuć vypukłyja dušniki. Cahlanyja ścieny dekaravanyja łapatkami, karnizam prostaha profilu i łučkovymi pieramyčkami nad akonnymi i dźviarnymi prajomami.

Raniej budynak byłoj viandlarni ŭžo vystaŭlali na prodaž, apošniaja sproba była ŭ lutym 2023 hoda. Tady za abjekt chacieli 9950 rubloŭ, ale budynak nichto nie nabyŭ. Ciapier canu źnizili da adnoj bazavaj vieličyni — 37 rubloŭ.

Siadziba ŭ Ščorsach u Navahrudskim rajonie kaliści naležała kancleru VKŁ Iaachimu Chraptoviču. U XVIII stahodździ jon uźvioŭ tut pałacava-parkavy ansambl u styli francuzskaha kłasicyzmu. Da našych dzion asnoŭny budynak siadziby nie acaleŭ, ale zachavaŭsia park i sažałki.

Da niadaŭniaha času ŭsie budynki siadziby ŭ Ščorsach naležali dziaržavie. Častka — adździełu kultury Navahrudskaha rajvykankama, častka — sielsavietu ŭ Ščorsach, častka — AAT «Ščorsy» (były kałhas «Zorka»). Z 2018 hoda siadzibu sprabavali pradać jak kompleks, paźniej — jak asobnyja budynki.

Z 2017 hoda nad zachavańniem i raźvićciom kompleksu pracavaŭ kulturna-aśvietnicki fond «Ščorsy i Chraptovičy» pad kiraŭnictvam Hanny Bułdy. Ale jon trapiŭ pad chvalu masavych likvidacyj hramadskich arhanizacyj u Biełarusi ŭ 2021−2022 hadach. Sud prajšoŭ 19 listapada minułaha hoda, 4 śniežnia rašeńnie ŭstupiła ŭ siłu.

Kamientary3

  • Biełarusy
    10.07.2023
    Kak možno prodavať istoriju??!!! EtoChrieptovič! Ministr inostrannych dieł VKŁ! TURISTIČIESKIJ OBJEKT! ETO KAKOJ OBLISPOŁKOM TAKIM DNOM OTMIETIŁSIA? turčin etot biezhołovyj ili iz Hrodno s nikom Kara? Hdie v kakom miestie ziemli tak postupajut s istorijej? Irazaluk, tut tožie ty našieł bsb?
  • sympał Sajman
    10.07.2023
    Jak na moj rozum, to najlepš byłuju viandlarniu prystasavać.... pa viandlarniu! I prodaž aŭtentyčnaj "viadliny ad Chrabtoviča" budzie česnym srodkam adbić patračanyja na vykup pomnika i prystasavańnie jaho ŭ adpaviednaści ź pieršapačatkovym pryznačeńniem.
  • ciesta i manka
    10.07.2023
    sympał Sajman, załataja viandlina budzie. Nie akupicca. Dy i ŭsie patencyjnyja pakupniki za zachodniaj miažoj.

Ciapier čytajuć

Muž hałoŭnaj hieraini prapahandysckaha filma BT skončyŭ žyćcio samahubstvam6

Muž hałoŭnaj hieraini prapahandysckaha filma BT skončyŭ žyćcio samahubstvam

Usie naviny →
Usie naviny

«Jon u siejfie ŭ biaśpiecy». Ci ŭdałosia za hod pradać skandalny hadzińnik Franaka Viačorki?14

Na fabrycy ŭ Słucku zahinuŭ elektramancior: jaho źbiŭ niedaśviedčany kiroŭca pahruzčyka

Pucin: Nie słuchajcie Piaskova, u jaho praca takaja2

Siłuet chmaračosa ŭžo vymaloŭvajecca. Jak ciapier vyhladaje šmatpakutny «Hazpram Centr» u Minsku FOTA5

Stali viadomy mahčymyja ŭmovy Rasii dla spynieńnia ahniu va Ukrainie6

Parašenka: Zialenski viadzie Ukrainu «ŭ bok dyktatury»11

Skon taraškievicy. Zakryćcio «Radyjo Svaboda» moža zaviaršyć moŭnuju epochu47

U kvartale «Minsk-Śviet» źjavilisia damy z dvuchuzroŭnievymi kvaterami4

Cichanoŭskaja: Demakratyčnyja pieramieny ŭ Biełarusi harantujuć 1000 kiłamietraŭ biaśpiečnaj miažy Jeŭrasajuzu15

bolš čytanych navin
bolš łajkanych navin

Muž hałoŭnaj hieraini prapahandysckaha filma BT skončyŭ žyćcio samahubstvam6

Muž hałoŭnaj hieraini prapahandysckaha filma BT skončyŭ žyćcio samahubstvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić