U Hancavičach farbujuć tui. Novy art-abjekt da «Dažynak»?
Niestandartny sposab pradoŭžyć žyćcio tujam prydumali ŭ Hancavičach. Zasochłyja raśliny «amaładzili» zialonaj farbaj. Vyhladaje amal padobna, hałoŭnaje — zielena, iranizuje «Hancavicki čas».
Sielekcyjaniery hadami bjucca, kab vyvieści novy vid raślin. I kali błakitnyja jełki — heta minułaje stahodździe, to vočy žycharoŭ Hancavič ciapier radujuć novyja tui biruzovaha koleru.
Novaja słavutaść znachodzicca ŭ Hancavičach na vulicy Kastryčnickaj kala kinateatra i fantana. Tut hruntoŭna pafarbavali dźvie tui, a dla treciaj pakul farby nie chapiła, to jaje azielanili choć by plamami.
«Vy ničoha nie razumiejecie, hety sposab naviadzieńnia pryhažości vykarystoŭvali jašče ŭ Savieckaj armii pierad pryjezdam hienierałaŭ abo inšaha vysokaha vajskovaha načalstva. Sałdaty SSSR jašče pamiatajuć, jak farbavali hutalinam asfalt, pendźlikami travu i liście zialonaj farbaj», — uspaminaje pažyły žychar Hancavič.
Ciapier technałohii zrabili vialiki krok napierad, tamu zamiest pendźlikaŭ hancavickija kamunalniki vykarystoŭvali pulvieryzatary.
Sioleta ŭ Hancavičach projduć abłasnyja «Dažynki», horad rychtujecca pryniać tysiačy haściej. U suviazi z hetym dobraŭparadkoŭvajuć vulicy i adkryvajuć novyja art-abjekty. Naprykład, kala čyhunačnaj stancyi pastavili vielizarnuju kałonku, ź jakoj u daŭnija časy napaŭniali ciahniki.
Kamientary