Hramadstva

Asudžany na 20 hadoŭ Uładzimir Hundar: U turmie daktary bolš uvažlivyja

Fihurant spravy ab teraryźmie, krajaznaviec z Baranavičaŭ Uładzimir Hundar raskazaŭ pra pieršyja ŭražańni ad mahiloŭskaj turmy, dzie jamu daviadziecca dalej adbyvać svajo pakarańnie.

Uładzimir Hundar. Fota: sacsietki

«Miarkuje, što tam jamu budzie krychu lahčej. Pakul jon u dvuchmiesnaj kamiery adzin. Prysudzili try hady turmy i ahulny režym. Raźličvaje na štodzionnyja prahułki. Šmat dumaje pra Biełaruś i čytaje. Za pieršy čas u turmie pračytaŭ užo čatyry knihi. Praciahvaje pisać vieršy», — paviedamiła «Svabodzie» daśviedčanaja krynica.

Na stan zdaroŭja, pavodle surazmoŭcy, Uładzimir Hundar asabliva nie narakaje.

«Kazaŭ, što adčuvaje siabie niabłaha. Pra turemnych daktaroŭ skazaŭ, što bolš uvažlivyja, tabletki ad cisku dajuć rehularna. I navat paprasili recepty tych lekaŭ, što dva hady tamu vypisvaŭ chirurh ad jaho asnoŭnaha zachvorvańnia. Nie vyklučaje, što praviaduć kurs lačeńnia, jaki pavinien pravodzicca kožny hod».

List palitviaźnia pra etap nie prapuściła cenzura. U pačatku kastryčnika stała viadoma, što Uładzimira Hundara, asudžanaha na 20 hadoŭ kałonii praz abvinavačańnie ŭ teraryźmie i napadzie na milicyjanta, u babrujskaj kałonii znoŭ sudzili i pa vynikach suda pieraviali na turemny režym u mahiloŭskuju krytuju turmu №4. Pry hetym termin źmiaščeńnia ŭ turmu dla svajakoŭ spačatku zastavaŭsia nieviadomym. Adrazu z karcara babrujskaj kałonii palitviaźnia etapavali ŭ mahiloŭskuju krytuju viaźnicu.

Daroha z Babrujska ŭ Mahiloŭ, pamiž jakimi nie bolej za 150 kiłamietraŭ, raściahnułasia dla Hundara amal na 5 dzion. Pra ŭmovy etapavańnia palitviaźnia krynicy ničoha nie viadoma.

«Dakładna viadomy tolki pryblizny čas etapu i toje, što jaho vieźli praz Homiel. Jak jon spraŭlaŭsia na svaich mylicach zabiracca ŭ vahon i ź jaho vysadžvacca, ujavić ciažka. Jon pasprabavaŭ apisać svoj šlach u vialikim liście, ale hety list nie adpravili i jamu aficyjna pra heta paviedamili. Mahčyma, padrabiaznaści daviedajemsia ŭžo pa jahonym vyzvaleńni. Usie na heta vielmi spadziajucca», — raskazała krynica, źviazanaja sa znajomymi i svajakami Uładzimira Hundara.

Uviesnu 2023 hoda, kali Uładzimira Hundara jašče trymali ŭ hrodzienskim SIZA, jon raskazaŭ svajakam, što padčas znachodžańnia ŭ karcary ahłuch na adno vucha, a paźniej słych častkova adnaviŭsia. Što ciapier sa słycham u palitviaźnia, nieviadoma.

Kamientary

Ciapier čytajuć

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Usie naviny →
Usie naviny

«Nie pojdzie na karyść prusaku». MZS Ukrainy adreahavaŭ na słovy Łukašenki pra Zialenskaha20

Student histfaka BDU, jakoha katavali ŭ milicyi padčas pratestaŭ. Raskazvajem pra zahinułaha kalinoŭca Alaksandra Sieradu15

Ź jakoha ŭzrostu pačynajucca pieršyja zboi ŭ pracy mozhu i jak ich zapavolić? Vučonyja dali adkaz1

Ukraina praviała paśpiachovaje vyprabavańnie svajoj novaj rakiety «Doŭhi Nieptun»2

Marzaluk pra adnosiny z žonkaj: Chadžu na zadnich łapach11

Mierkiel: Tramp začaravany pucinskaj Rasijaj11

Zahinuŭ 22-hadovy biełarus Alaksandr «Łyč» Sierada, jaki vajavaŭ za Ukrainu22

Klimat Biełarusi stanovicca ciaplejšym chutčej, čym u bolšaści krain śvietu8

Bujnomu dyśpietčaru taksi zabaranili pracu ŭ Biełarusi4

bolš čytanych navin
bolš łajkanych navin

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Hałoŭnaje
Usie naviny →

Zaŭvaha:

 

 

 

 

Zakryć Paviedamić