Biznesmien z-za miažy pasprabavaŭ «kupić» dziaržaŭny baskietbolny kłub. Voś što z hetaha vyjšła
Spartyŭny žurnalist Alaksandr Ivulin pravioŭ niekalki dzion u kampanii adnaho z samych miedyjnych biełaruskich biznesmienaŭ Alaksandra Knyroviča, kab zrabić videa dla svajho prajekta Časnok-Live. Siarod inšaha jany zhulali ŭ baskietboł u 33, a pavodle ŭmovy hulni toj, chto prajhraŭ, musiŭ pasprabavać kupić baskietbolny kłub «Minsk», jaki ciapier pravalvajecca ŭ Adzinaj Lizie VTB nastolki, što prajhraŭ 30 matčaŭ z 30. Zadańnie ŭrešcie musiŭ vykonvać Knyrovič, piša «Trybuna».
Achvotnych atrymać sponsarskija hrošy ŭdałosia adšukać nie adrazu. Heta nie ŭvajšło ŭ siužet prahramy, ale jak raskazaŭ sam Ivulin, spačatku ŭ ofisie «Minska» nie brali słuchaŭku, a paśla prapanoŭvali pazvanić u inšy dzień. Kali ž «sponsar» usio ž nastojvaŭ, to kudyści schadzili, zapytalisia i dali kantakt markietynhu, a adtul užo pieraadrasavali da mieniedžara Alaksandra Kobrynca, jaki i adkazvaje za pracu sa sponsarami.
Adrazu mužčyna naścieražyŭsia praz numar telefona, nie padobny da biełaruskaha, ale, zdajecca, arhumient Knyroviča, što svaim realnym kantaktam jon budzie hatovy padzialicca, kali pieramovy vyjduć na inšy ŭzrovień, padaŭsia pierakanaŭčym.
U razmovie biznesmien pacikaviŭsia, jakuju sumu jamu treba ŭkłaści, kab nie prosta być adnym sa sponsaraŭ, ale mieć niejki ŭpłyŭ na toje, što adbyvajecca z kłubam. Jahony surazmoŭca ci to nie zrazumieŭ sutnaść pytańnia, ci to vyrašyŭ praihnaravać takuju akaličnaść, ale zamiest kankretnaha adkazu pačaŭ raskazvać pra supracu ŭ miežach dziaržpadtrymki.
Knyrovič taksama sprabavaŭ zrazumieć, jakija sumy ŭ cełym dajuć sponsary — heta 100 tysiač, ci 200 tysiač u hod, na što atrymaŭ adkaz, što jakraz takija sumy kłub i atrymlivaje ad sponsaraŭ pa dziaržpadtrymcy. Pry hetym surazmoŭca adznačyŭ, što na tendencyju biełaruskaha baskietboła takaja suma nie paŭpłyvaje, ale imidž kłuba nibyta papravić možna.
Kali biznesmien pacikaviŭsia, ci mahčyma, kab puł inviestaraŭ vykupiŭ kłub, to Kobryniec spasłaŭsia na fiederacyju, ale vykazaŭ mierkavańnie, što tam nie dazvolać. Maŭlaŭ, kłub dziaržaŭny, usia majomaść taksama naležyć dziaržavie, a isnuje jon za košt dziaržbiudžetu i sponsarskich srodkaŭ.
Na raźvitańnie Kobryniec prosta paradavaŭsia, što choć niechta hatovy davać hrošy kłubu ŭ siońniašnim stanoviščy, iznoŭ ža zabyŭšy pra toje, što surazmoŭcu cikaviła mahčymaść upłyvać na pracesy ŭ «Minsku» ŭ abmien na svaje hrošy.
«Dziakuj i vielmi pryjemna, što na fonie takich niaŭdałych pakul vystupaŭ jość ludzi, jakija hatovyja na ahulnaje raźvićcio baskietboła niešta ŭkłaści», — skazaŭ kłubny mieniedžar.
Čytajcie taksama:
«Azaronak braniabojna stajaŭ, a Pustavy papłyŭ». Ivulin pra historyju ŭ minskim mietro
Ci ŭsich paznajecie? Biełaruskija palityki i sielebryci dzielacca, jak vyhladali ŭ 21 hod FOTY
U Alaksandra Ivulina novy jutub-kanał i novaje šou. Što tam cikavaha?
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty11
Kamientary
Ja znaju tolko dvuch biźniesmienov postradavšich za politiku Knyrovič i Babariko.
Poetomu kohda hovoriat kakoj biednyj biźnies v Biełarusi i kak on mučajetsia , da chotieł ja pluvať na jeho problemy.
Mnie bližie strany skandinavii hdie rasprostranieny levyje idiei.