Vajna11

Rasija druhuju noč zapar nanosić masiravany rakietny ŭdar pa Ukrainie

Pavietranyja siły USU paviedamili, što rasijskija vojski zapuścili ŭ bok Ukrainy kryłatyja rakiety. Niekatoryja rajony krainy pad pahrozaj błekaŭtu i prablem z vodazabieśpiačeńniem.

Fota: UNIAN

«Zafiksavanyja puski kryłatych rakiet z samalotaŭ Tu-95MS. Puski kryłatych rakiet zafiksavanyja z rajona Kaśpijskaha mora. Raźlikovy čas uvachodžańnia ŭ pavietranuju prastoru Ukrainy — kala 05:00», — havorycca ŭ paviedamleńni USU.

U vyniku rasijskich abstrełaŭ Charkava hetaj nočču nazirajucca prablemy z elektrazabieśpiačeńniem, u horadzie čutnyja vybuchi, paviedamiŭ mer Ihar Cierachaŭ.

«Ciapier kala 15 vybuchaŭ u Charkavie. U horadzie prablemy sa śviatłom — vorah celicca pa enierhietyčnaj infrastruktury. Jość pažary na miescach niekatorych prylotaŭ», — napisaŭ jon u telehramie.

Cierachaŭ zaklikaŭ žycharoŭ horada być aściarožnymi z-za niebiaśpieki novych abstrełaŭ.

«Z-za abiastočvańnia pompavych padstancyj u horadzie ŭžo nazirajucca prablemy z vodazabieśpiačeńniem. Taksama ranicaj na maršruty nie vyjdzie elektratranspart — pieravozki buduć ažyćciaŭlać aŭtobusy pa schiemie błekaŭta», — dadaŭ mer.

Kryvy Roh taksama atakavali rakiety i drony, paciarpieła krytyčnaja infrastruktura

«Kambinavanaja ataka varožymi rakietami i «šachiedami». Jość trapleńni ŭ abjekty krytyčnaj infrastruktury. Dzie jość mahčymaść, lepš nabrać vady i padzaradzić hadžety i paŭerbanki. Nahadvaju, što ŭ horadzie pracuje 213 punktaŭ niazłomnaści, u jakich usio jość», — napisaŭ Alaksandr Viłkuł.

Pavodle jaho słoŭ, u horadzie ŭviedzieny hrafiki avaryjnych adklučeńniaŭ. Balnicy i inšyja abjekty infrastruktury pa mahčymaści pierachodziać na hienieratary.

Pa Zaparožžy nanieśli vosiem rakietnych udaraŭ

«Vosiem rakietnych udaraŭ vorah nanios pa Zaparožžy. Naniesieny ŭdary pa abjektach infrastruktury, paciarpieli cyvilnyja damy. Infarmacyju ab paciarpiełych udakładniajem», — napisaŭ u telehramie kiraŭnik abłasnoj administracyi Ivan Fiodaraŭ.

Taksama pad pahrozaj adklučeńnia Zaparožskaja AES. A ŭ vakolicach Zaparožža rakieta trapiła ŭ płacinu na Dniapry.

U Chmialnickim jość zahinułyja i paranienyja mirnyja žychary, paviedamiŭ mer Simčyšyn. Paškodžanyja žyłyja damy i abjekty infrastruktury.

Kamientary1

  • Andruś
    22.03.2024
    "płacina na Dniapry ŭ vakolicach Zaparožža" - heta znakamitaja DniepraHES. Rasijcy znoŭ namahajucca stvaryć ekałahičnuju katastrofu, razburyŭšy hreblu, jakaja trymaje vializnaje vadaschovišča. Sami pa sabie abstreły zaviedama cyvilnaha abjektu (enierhietyčnaj infrastruktury) - heta ŭžo vajennaje złačynstva. Vajennyja ŭłady rasii, jakija zrabili DniepraHES cellu dla rakiety, nie mahli nie viedać cyvilnaha pryznačeńnia hetaha abjektu. Ale toje, što akramia źniščeńnia cyvilnaha abjekta enierhietyki, razbureńnie hrebli moža spravakavać čarhovy niekantralavany skid vializnaj kolkaści vady nižej za płyńniu Dniapra i źniščyć tam nasielenyja punkty, u tym liku značnuju častku samoha horada Zaparožža. dy ŭsio žyvoje, kaža pra mienavita terarystyčnyja dziejańni rasii. 
    Treba akcentavać uvahu na tym, što rasija sprabavała paškodzić mienavita DniepraHES, a nie prosta "płacinu ŭ vakolicach". 

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia21

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ4

«Litva — zona kamfortu». Jak 21-hadovaja biełaruska biaspłatna vučycca ŭ techničnym univiersitecie i pracuje ŭ IT4

Što chavajecca za bananavaj industryjaj Kosta-Ryki. U Jeŭropu traplajuć «čystyja» banany, ale chto raspłačvajecca za heta?13

Kala stancyi mietro «Puškinskaja» zdaryłasia masavaja avaryja4

Cichanoŭskaja pra prapahandyscki film BT: My nikoli nie budziem ryzykavać ludźmi25

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady30

Prakapienia pradaŭ kryptabiržu Currency ź biełaruskimi karaniami inviestaram3

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia21

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić