U pačatku listapada — premjera śpiektakla «Orden biełaj myšy» pa Arłovu
Kazku-antyŭtopiju pastaviać u Varšavie. Siarod akcioraŭ — Ihar Sihoŭ i Śviatłana Zielankoŭskaja.
«Orden biełaj myšy» — heta teatralny ekśpierymient i daśledavańnie historyi Biełarusaŭ praz spałučeńnie tekstu kłasika biełaruskaj litaratury Uładzimira Arłova i aktualnych tekstaŭ sučasnaj dramaturhii.
Siužet śpiektakla — pradkazańnie. Jon bałansuje pamiž fantastykaj i rečaisnaściu, viadzie hledača ŭ niezabyŭnaje padarožža ŭ śviet paznańnia biełaruskich realij ź ich emocyjami i pieražyvańniami. Heta razmova pra čas i pra siabie.
U centry pastanoŭki viečny kanflikt mastaka i ŭłady, pytańnie vybaru i sumlennaści pierad samim saboj. Śpiektakl zadaje pytańnie kožnamu: jak być u składanaj situacyi, dzie prachodzić miaža pamiž kampramisam i nieprymirymaściu? Hieroj prachodzić vyprabavańni, jakija mohuć pryvieści da pošuku svabody abo pryniaćcia praviłaŭ.
Adzin sa stvaralnikaŭ prajekta raskazvaŭ, što novaja pastanoŭka budzie zbudavanaja pa pryncypie «teatra ŭ teatry»:
«U śpiektakli budzie dźvie pjesy — akramia raskaza Uładzimira Arłova «Orden biełaj myšy» my paralelna pišam teksty i kamientary kožnaha akciora jak asoby. Heta jaho ŭspaminy, jaho raskaz pra siońniašni dzień, a taksama toje, što jon dumaje pra budučyniu».
U kamandzie prajekta — Ihar Sihoŭ, Śviatłana Zielankoŭskaja, Andrej Barduchajeŭ-Aroł, Dzijana Bałyka, Uładzimir Ušakoŭ, Raman Arłoŭ, Pavieł Siemčanka, Alaksandr Vobrazaŭ.
Premjera pastanoŭki projdzie ŭ Varšavie ŭ kłubie Scena Chmielna 1,2 i 3 listapada. Kvitki možna nabyć tut.
-
Na polskim aŭkcyjonie ŭspłyła karcina, jakaja mahła być vykradziena nacystami z muzieja ŭ Hrodnie
-
«Siadžu i razumieju, što ničoha nie razumieju». Rasijskaja aktrysa, zaprošanaja ŭ Kupałaŭski teatr, raskazała pra biełaruskamoŭny repiertuar
-
Voś hetaja dziaŭčyna vystupić na «Słavianskim bazary» ad Biełarusi
Kamientary