Śviet44

Va Ukrainie vykryli hrupu, jakaja zarablała na damoŭnych hulniach. Adzin ź fihurantaŭ — futbalist Arciom Mileŭski

U aficyjnym paviedamleńni śćviardžajecca, što kibierpalicejskija i śledčyja Nacpalicyi vykryli niekalki złačynnych hrup, fihuranty jakich arhanizoŭvali dahavornyja matčy pa kibierfutbole, kibierbaskietbole, nastolnym tenisie, futbole, baskietbole dla atrymańnia vyhady praz bukmiekierskija kantory.

Pry hetym

«dla pašyreńnia svajho ŭpłyvu siarod kibierspartsmienaŭ, pryciahnieńnia bolšaj kolkaści anłajn-zaŭziataraŭ i hrašovych stavak arhanizatary zaručalisia padtrymkaj viadomych asob, jakija mieli dasiahnieńni ŭ realnym sporcie». 

Niekatoryja z udzielnikaŭ hrupy, jak śćviardžajecca — byłyja spartsmieny suśvietnaha ŭzroŭniu, jakija vykarystoŭvali nabytyja za hady prafiesijnaj dziejnaści suviazi dla arhanizacyi «damoŭnych» matčaŭ pamiž kibierspartsmienami z Aŭstralii, Jeŭropy i Ukrainy.

Va ŭkrainskich ŚMI pišuć, što adnym ź viadomych spartsmienaŭ, jakija mohuć być datyčnyja da hetaj spravy, źjaŭlajecca viadomy futbalist biełaruskaha pachodžańnia Arciom Mileŭski, jaki ŭ svoj čas hulaŭ za zbornuju Ukrainy. 

Jašče ŭ vieraśni va ŭkrainskich ŚMI źjaŭlałasia infarmacyja, što rabotniki Nacpalicyi pravodzili pieratrusy ŭ domie, u jakim žyŭ Arciom Mileŭski, a taksama jahony siabar Siarhiej Traćciak.

Ukrainskija ŚMI śćviardžajuć, što na hetym fota — Arciom Mileŭski padčas praviadzieńnia ŭ jaho pieratrusu ŭ vieraśni

Za anłajn-tranślacyjami «zakaznych» matčaŭ u internecie mahli nazirać dziasiatki tysiač čałaviek adnačasova. Viedajučy budučy zychod hulni, złamyśniki asabista abo praz davieranych asob rabili staŭki na resursach bukmiekierskich kantor, zarehistravanych u krainach Azii, Jeŭropy, Aŭstralii i Amieryki.

Palicejskija vyśvietlili, što fihuranty šlacham podkupu, prymusu, zapałochvańnia i padbuchtorvańnia prymušali hulcoŭ śviadoma prajhravać svaje anłajn-matčy. U niekatorych vypadkach dla hetaha pryciahvalisia raniej sudzimyja asoby spartyŭnaha ciełaskładu, jakija ŭ tym liku vykarystoŭvali i zbroju. 

Ciapier ustanoŭlena kala 10 hulcoŭ, jakija paciarpieli nastupnym čynam. Časam prapanoŭvali i hrašovuju ŭznaharodu za «źliŭ» matčaŭ.

Pa papiarednich padlikach, prybytak ad takoj dziejnaści moh składać miljony ŭkrainskich hryŭniaŭ. Hetyja srodki lehalizoŭvalisia šlacham nabyćcia i pieraprodažu elitnych aŭtamabilaŭ, nieruchomaści i inšych aktyvaŭ praz kryptakašalki.

Paviedamlajecca, što pravaachoŭniki praviali 45 adnačasovych pieratrusaŭ pa ŭsioj Ukrainie ŭ aŭtamabilach, pa adrasach rehistracyi i pražyvańnia fihurantaŭ i ich mahčymych saŭdzielnikaŭ. Kanfiskavanyja rečavyja dokazy złačynnaj dziejnaści, a taksama zafiksavanyja ličbavyja dokazy.

Pa tych artykułach, jakija inkryminujucca padazravanym, maksimalnaje pakarańnie praduhledžvaje da 12 hadoŭ pazbaŭleńnia voli z kanfiskacyjaj majomaści. 

Kamientary4

  • a.hto.tam.idze
    11.12.2024
    Badaj, bolej ździviŭsia by, kali b nie ŭbačyŭ imia Mileŭskaha ŭ składzie hetych navinaŭ...
  • U
    11.12.2024
    Bagaty, pačytaj jak hod nazad anałahičnyja spravy byli ŭ Biełarusi, a paru hadoŭ nazad u Italii i inšych krainach ES i nie tolki. Pa-druhoje, tolki poŭny d…. moža sudzić ab usioj krainie z-za dziejańniaŭ kupki złydniaŭ (jakija jość absalutna ŭ luboj krainie).
  • Za kraty
    12.12.2024
    Pios daŭno rušyŭ u hetym napramku.

Ciapier čytajuć

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie4

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie

Usie naviny →
Usie naviny

Turčyn: Pieralik tavaraŭ z rehulavanymi cenami skarociać3

Ukraincy ŭziali ŭ pałon uradženca Mahilova i prysudzili jamu 15 hadoŭ za dziaržaŭnuju zdradu10

«My budziem adkazvać na ŭsie ŭdary z boku Rasii». Zialenski adreahavaŭ na zajavu Kramla paśla pieramoŭ z ZŠA3

U Biarozaŭskim rajonie žančyna nabyła praz aŭkcyjon chatu svajoj babuli3

Alaksandr Ivulin zavioŭ miłaha sabaku. Pra takuju parodu vy, mahčyma, nie čuli17

«Tramp, vidać, nie pahadziŭsia na hetyja varjackija ŭmovy»: pieršyja reakcyi na razmovu Trampa z Pucinym8

Maršrutka dla tych, chto kuryć, ci samahonny aparat na kołach? U Babrujsku zaŭvažyli niezvyčajnaje aŭto1

«Vielmi dobraja i praduktyŭnaja». Tramp prakamientavaŭ svaju razmovu z Pucinym4

Jakija nazvy vulic samyja papularnyja ŭ Biełarusi?5

bolš čytanych navin
bolš łajkanych navin

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie4

Dzie naradzilisia viadomyja biełarusy? Bolš za dziesiać tysiač asob sabrali na adnoj karcie

Hałoŭnaje
Usie naviny →

Zaŭvaha:

 

 

 

 

Zakryć Paviedamić