Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
Śviatłanie Skaražonak było ŭsiaho 29 hadoŭ. Pra jaje śmierć stała viadoma ŭ pačatku studzienia 2021 hoda.
Śviatłana Skaražonak była supracoŭnicaj žanočaha ŭzvoda minskaha AMAP. Badaj, samaj publičnaj. Pra jaje karjerny šlach šmat razoŭ raskazvali dziaržaŭnyja ŚMI.
Jaje baćka byŭ pamiežnikam, u saviecki čas słužyŭ u Afhanistanie i Turkmienistanie. Maci — kultrabotnica. Sama Śviatłana naradziłasia ŭ Niaśvižy. U siamji dziaŭčyna była adzinym dziciem.
Skončyŭšy fakultet fiłasofii i sacyjalnych navuk BDU, Śviatłana prajšła padrychtoŭku ŭ navučalnym centry MUS, a ŭ 2014 hodzie realizavała studenckuju maru i stała słužyć u AMAP.
Pra jaje śmierć stała viadoma ŭ pačatku studzienia 2021 hoda ź niekrałoha ŭ haziecie «Na stražie». Pres-słužba MUS spačatku pakinuła pytańnie pra śmierć Skaražonak biez kamientaroŭ.
Tady ž papaŭźli čutki pra toje, što dziaŭčynu da śmierci źbiŭ jaje muž, jaki taksama słužyŭ u AMAP. U krasaviku 2021 hoda ŭ MUS zajavili, što heta «poŭnaja dezynfarmacyja», a Śviatłana pamierła «ad chvaroby».
«My raźbiralisia dla siabie, całkam padniali ŭsiu infarmacyju. Supracoŭnik AMAP jaje nie zabiŭ dakładna», — adkazvali ŭ MUS.
Z bazy danych pamierłych žycharoŭ Biełarusi, jakuju atrymali «Kibierpartyzany», stała viadoma, što Śviatłana pamierła 31 śniežnia 2020 hoda — na samy Novy hod. U pryčynach śmierci paznačany kod R99 — «inšyja niedakładna paznačanyja i nieŭdakładnienyja pryčyny śmierci».
Možna mierkavać, što kali b jana nasamreč pamierła ad chraničnaj chvaroby, to niapeŭnaści ŭ miedykaŭ było b mienš.
Tym nie mienš dakładnaha adkazu na pytańnie, što ž zdaryłasia 31 śniežnia 2020 hoda ŭ kvatery maładoj žančyny, dahetul niama.
Raniej sudmiedekśpiertka tłumačyła ŭ kamientary «Lusterku», što taki kod — R99 — zvyčajna vykarystoŭvajuć u vypadkach, kali było praviedziena ŭskryćcio cieła, kab vyśvietlić dakładnuju pryčynu śmierci čałavieka, ale na momant uskryćcia pryčyna śmierci zastajecca dakładna nie zrazumiełaj abo vyklikaje sumnievy.
«Što mienavita jon [doktar] moža padazravać: zachvorvańnie ci hvałtoŭnuju pryčynu śmierci, — na hetym etapie nieviadoma nikomu, akramia samoha doktara», — tłumačyła sudmiedekśpiertka.
Anałahičny kod staić u paśviedčańniach ab śmierci Vitolda Ašurka i Uładzimira Makieja. I ŭ toj, i ŭ inšaj historyi ŭ hramadstva zastałosia šmat pytańniaŭ.
-
Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz
-
Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?
-
Zianon Paźniak: Ni biełarusam, ni asabliva ŭkraincam nielha achajvać Trampa
Ciapier čytajuć
Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz6
Kamientary