Kitaj prapanuje krainam svaju dapamohu dla realizacyi prahram, jakija zastalisia bieź finansavańnia paśla rašeńnia administracyi Donalda Trampa spynić dziejnaść Ahienctva ZŠA pa mižnarodnym raźvićci (USAID), paviedamlaje vydańnie Politico.

Jak paviedamlaje vydańnie, kitajskija čynoŭniki ŭžo paviedamili ŭradu Niepała, stratehična važnaj dla Piekina krainy na paŭdniovych schiłach Himałajaŭ pamiž Indyjaj i Kitajem, pra hatoŭnaść ich krainy zamianić prahramy USAID ułasnymi prajektami raźvićcia.
Pradstaŭniki Astravoŭ Kuka, archipiełaha ŭ Inda-Cichaakijanskim rehijonie, na čale z premjer-ministram Markam Braŭnam na hetym tydni naviedajuć Kitaj, kab padpisać pahadnieńnie ab pahłybleńni handlova-ekanamičnaha supracoŭnictva, uklučajučy pavieličeńnie kitajskich inviestycyj u raźvićcio infrastruktury na hetaj astraŭnoj terytoryi.
U Kałumbii niaŭradavyja arhanizacyi taksama paviedamlajuć pra zacikaŭlenaść Kitaja ŭ zamienie zamarožanych prahram USAID u krainie. Letaś Kałumbija atrymała ad USAID kala 385 młn dalaraŭ.
Adznačajecca, što takija dziejańni Piekina śviedčać pra namier skarystacca situacyjaj i jak maha chutčej pasprabavać vycieśnić ZŠA z krain i rehijonaŭ, važnych Kitaju dla prasoŭvańnia ŭłasnych intaresaŭ.
Kanhresmieny ad Demakratyčnaj partyi ŭ Pałacie pradstaŭnikoŭ ZŠA raspracavali stratehiju, kab rastłumačyć administracyi Trampa pra patencyjnaje ŭzmacnieńnie Kitaja praz zamarožvańnie zamiežnaj dapamohi ZŠA. Adnak respublikancy ŭ Pałacie pradstaŭnikoŭ nie vystupajuć u abaronu USAID i adnaŭleńnia dapamohi.
21 studzienia prezident ZŠA Donald Tramp zajaviŭ ab prypynieńni na 90 dzion usich prahram zamiežnaj dapamohi z metaj pravierki ich na pradmiet adpaviednaści jahonaj zamiežnaj palitycy. Užo praz paru dzion byŭ vydadzieny zahad ab «spynieńni pracy» dla ŭsioj najaŭnaj zamiežnaj dapamohi i vydačy novaj.
Tramp uvioŭ 25-pracentnyja pošliny na ŭvieś impart stali i aluminiju ŭ ZŠA
Dziaržsakratar Rubia: ZŠA praciahnuć akazvać dapamohu inšym krainam, adnak sistema patrabuje rearhanizacyi
Tramp zapatrabavaŭ zakryć USAID za «karupcyju»
Administracyja Trampa skaračaje štat USAID u 30 razoŭ
«Nieviadoma, kali my atrymajem nastupny zarobak». Jak prypynieńnie padtrymki ad ZŠA paŭpłyvała na biełaruskija ŚMI i NDA
Kamientary