Zdareńni77

Što adbyłosia z 16-hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry

Žychary Dziaržynska jaki dzień abmiarkoŭvajuć navinu ab 16-hadovaj dziaŭčynie, jakaja raptoŭna pamierła paśla kureńnia vejpu ŭ kampanii. Usio adbyłosia jašče ŭ minuły čaćvier, 13 sakavika, ale šyrokaj hramadskaści ab hetaj historyi stała viadoma tolki ŭčora padčas pres-kanfierencyi MUS. Onlíner pahavaryŭ z adnoj ź siabrovak zahinułaj dziaŭčyny, a taksama patelefanavaŭ u navučalnuju ŭstanovu i internat, dzie jana žyła. Voś što viadoma na dadzieny momant.

Ilustracyjny zdymak. Fota: vecteezy.com

Učora na pres-kanfierencyi pradstaŭniki MUS raskazali, što za niekalki chvilin da śmierci dziaŭčyna ŭ kampanii siabroŭ paryła vejp, raptoŭna jana adčuła siabie drenna, straciła prytomnaść i pamierła.

Vučanica adnoj ź miascovych škoł raskazała, što im ab hetaj trahiedyi paviedamili ŭ minułuju piatnicu, na nastupny dzień paśla zdareńnia.

— Haradok u nas maleńki: dźvie škoły, dźvie himnazii i adzin kaledž. Užo na nastupny dzień naš kłasny kiraŭnik sabrała ŭvieś kłas i raskazała, što paśla kureńnia vejpu pamierła dziaŭčynka, i pračytała lekcyju [pra zdarovy ład žyćcia]. Asabista jaje [pamierłuju dziaŭčynku] ja nie viedała, ale raskazvali, što jana try dni ničoha nie jeła, a kali paliła vejp, nibyta zaciahnułasia i, zaŭvažyŭšy vychavaciela, zatrymała dychańnie, a potym straciła prytomnaść i praktyčna adrazu ž pamierła…

Žurnalistam udałosia adšukać adnu ź siabrovak zahinułaj dziaŭčyny. Voś što jana raskazała:

— Jana była vielmi ščyraj, tavaryskaj, z usimi chacieła siabravać. U minułym hodzie pastupiła na pieršy kurs, vučyłasia na povara-aficyjanta. Žyła ŭ internacie, rodam była [ź inšaha horada]. Jana była siratoj, vychoŭvałasia ŭ siamji blizkich svajakoŭ. Usio adbyłosia ŭ čaćvier, hadzin u vosiem. Jana stajała ŭ kampanii [padletkaŭ] kala internata, zapaliła [vejp] i ŭpała. Kali pryjechała chutkaja, užo ničym nielha było pamahčy.

Sa słoŭ siabroŭki, u dziaŭčyny byli prablemy z sercam.

— Toje, što jana haładała dni try, praŭda. Ale jana, vychodzić, navat mnie ŭ hetym nie pryznavałasia, chavała. Navošta? Musić, jak i ŭsie dziaŭčynki, žadała być chudoj, choć jana i tak była strojnaj, pryhožaj.

Ź dziaŭčynaj raźvitalisia na minułym tydni ŭ jaje rodnym miastečku. Paśla trahiedyi, raskazali padletki, u internacie pravieryli pakoi i nahadali navučencam, što im nielha vykarystoŭvać i zachoŭvać vejpy.

Dyrektar navučalnaj ustanovy, dzie vučyłasia dziaŭčyna, kamientavać toje, što adbyłosia, admoviŭsia, ale skazaŭ, što zaraz pa fakcie śmierci navučenki pravodzicca pravierka.

Admovilisia ad kamientaroŭ i ŭ internacie.

Kamientary7

  • Minak
    18.03.2025
    Dyk a vejp tut pry čym?
  • Try dni nie jeła
    18.03.2025
    Haładajučyja dzieci łukašyzma
  • Nie kuriu
    18.03.2025
    Nie kuri i budieš žiť.

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

Cichanoŭskaja pra prapahandyscki film BT: My nikoli nie budziem ryzykavać ludźmi25

Muž hałoŭnaj hieraini prapahandysckaha filma BT skončyŭ žyćcio samahubstvam31

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady30

Na BT zrabili film pra toje, jak biełarusy ledź vyžyvajuć u Jeŭropie. Kab zapisać videa, hierojaŭ žorstka padmanuli47

Prakapienia pradaŭ kryptabiržu Currency ź biełaruskimi karaniami inviestaram3

Alaksiej Protas ustanaviŭ biełaruski rekord pa bałach u NCHŁ

Zialenski: Pucin adkinuŭ prapanovu spynieńnia ahniu i atakavaŭ cyvilnuju infrastrukturu6

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia38

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić