«Vahnieraŭcy» paśla adychodu z Bachmuta pierahrupavalisia ŭ troch miescach
Sakratar Rady nacyjanalnaj biaśpieki i abarony Ukrainy Alaksiej Daniłaŭ paviedamiŭ, što bajcy PVK «Vahnier» paśla sychodu z Bachmuta praciahnuć vajavać suprać Ukrainy.
U Daniłava Bi-bi-si spytała, ci sapraŭdy najmity «Vahniera» pakidajuć Bachmut, i jon heta paćvierdziŭ.
«Tak, heta adbyvajecca. Jany nie pierastanuć vajavać z nami. Jany źbirajucca bolš zasiarodzicca na inšych frantach… jany pierahrupoŭvajucca ŭ troch inšych miescach».
Daniłaŭ padtrymaŭ rašeńnie ŭkrainskaj armii vajavać u Bachmucie ciaham mnohich miesiacaŭ.
Jon rastłumačyŭ, što Bachmut — heta ŭkrainskaja ziamla, i ŭkraincy pavinny jaje abaraniać.
Sakratar RNBA padkreśliŭ, što Bachmut «adyhraŭ vialikuju rolu ŭ hetaj vajnie».
«Kali my pačniom pakidać kožny nasieleny punkt, heta moža pryvieści nas da zachodniaj miažy, jak taho chacieŭ Pucin ź pieršych dzion vajny», — skazaŭ Alaksiej Daniłaŭ.
Pra toje, što «vahnieraŭcy» pakidajuć, jak i było zajaŭlena, Bachmut, stała viadoma 25 maja. Ich zamianiajuć padraździaleńni rehularnaj rasijskaj armii.
Pad Bachmutam zahinuŭ Mirasłaŭ Łazoŭski.
Ciapier čytajuć
«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT9
Kamientary