Śviet2424

ZŠA i Rasija zrabili zajavy paśla razmovy Trampa i Pucina

Pavodle paviedamleńnia pres-słužby Kramla, Pucin padtrymaŭ ideju Trampa ab uzajemnaj admovie Rasii i Ukrainy na 30 dzion ad udaraŭ pa enierhietyčnaj infrastruktury i daŭ takuju kamandu vajskoŭcam. Heta paćviardžaje taksama reliz Biełaha doma.

Pucin i Tramp padčas sustrečy ŭ červieni 2019 hoda. Fota: Mikhail Svetlov/Getty Images

Akramia taho, Pucin adznačyŭ surjoznyja ryzyki, źviazanyja z «niedamovazdolnaściu» ŭładaŭ Ukrainy, jakija ŭžo, maŭlaŭ, nieadnarazova sabatavali i parušali dasiahnutyja damoŭlenaści.

Jak paviedamlaje Kreml, Pucin paznačyŭ «šerah istotnych momantaŭ», jakija tyčacca kantrolu za spynieńniem ahniu na ŭsioj linii bajavoha sutyknieńnia, a taksama vykazaŭsia pra nieabchodnaść «spynieńnia prymusovaj mabilizacyi» va Ukrainie i pieraŭzbrajeńnia USU. Taksama rasijski prezident nazvaŭ «klučavoj umovaj dla niedapuščeńnia eskałacyi» poŭnaje spynieńnie zamiežnaj vajskovaj dapamohi i abmienu raźviedvalnaj infarmacyjaj z Kijevam. 

Pucin taksama prainfarmavaŭ prezidenta ZŠA, što 19 sakavika pamiž rasijskim i ŭkrainskim bakami budzie zrobleny abmien pałonnymi ŭ farmacie 175 na 175. Rasija ŭ jakaści «žestu dobraj voli» pieradaść Kijevu 23 ciažka paranienych ukrainskich vajskoŭcaŭ.

Pucin u hutarcy z Trampam paćvierdziŭ «pryncypovuju prychilnaść» da mirnaha vyrašeńnia kanfliktu va Ukrainie. Prezidenty paćvierdzili namier praciahnuć namahańni pa ŭrehulavańni kanfliktu va Ukrainie i damovilisia zastavacca ŭ kantakcie pa ŭsich zakranutych u telefonnaj razmovie pytańniach.

Akramia taho, była vykazana ŭzajemnaja zacikaŭlenaść u narmalizacyi dvuchbakovych adnosin u śviatle «asablivaj adkaznaści Rasii i ZŠA za zabieśpiačeńnie biaśpieki i stabilnaści ŭ śviecie». Byli abmierkavanyja šerah idej, jakija iduć u napramku raźvićcia ŭ pierśpiektyvie ŭzajemavyhadnaha supracoŭnictva ŭ ekanomicy i enierhietycy.

Urešcie, Tramp padtrymaŭ ideju Uładzimira Pucina arhanizavać chakiejnyja matčy ŭ ZŠA i Rasii pamiž rasijskimi i amierykanskimi hulcami, jakija vystupajuć u NCHŁ i KCHŁ.

U paviedamleńni Biełaha doma adznačajecca, što Uładzimir Pucin i Donald Tramp damovilisia pačać mirny praces z spynieńnia ahniu pa enierhietyčnych i infrastrukturnych abjektach.

U adnoj z krain Blizkaha Uschodu nieadkładna pačnucca techničnyja pieramovy pa spynieńni ahniu na Čornym mory.

Taksama Pucin i Tramp abmierkavali supracoŭnictva na Blizkim Uschodzie dla praduchileńnia budučych kanfliktaŭ, uklučajučy strymlivańnie Irana ŭ kanflikcie ź Izrailem. Akramia hetaha, jany abmierkavali pytańnie nieraspaŭsiudžvańnia stratehičnaj zbroi, a taksama ekanamičnyja pahadnieńni pamiž Rasijaj i ZŠA paśla dasiahnieńnia miru va Ukrainie.

Kamientary24

  • 1
    18.03.2025
    Kali b Hitler "vyruliŭ". Viarnuŭ abličča Vałodzie. U lutym 22-ha pucin užo dapuskaŭ mahčymaść viartańnia Trampa. Iłaryjonaŭ – IPSO? Z nami budzie chutčej... 4(?) vobłaści+ 5 našych.
  • 0101
    18.03.2025
    To bok pucin užo nie ch&jło, a suśviedny lidar, jaki viadzie pieramovy z samim prezidentam Amieryki i “ adkazvaje za stabilnaść u śviecie” .I jašče chakiej. Plavać na Buču, na Maryupal. A Ukraina nie choča “ damaŭlacca”. Moža chopić honaru u chakieistaŭ NCHŁ . “ Nam takoj chokkiej nie nužien”!
  • Fiedzia
    18.03.2025
    Vot tak i dovieriaj tiepieŕ SŠA.

Ciapier čytajuć

Muž hałoŭnaj hieraini prapahandysckaha filma BT skončyŭ žyćcio samahubstvam14

Muž hałoŭnaj hieraini prapahandysckaha filma BT skončyŭ žyćcio samahubstvam

Usie naviny →
Usie naviny

Tramp daručyŭ pierahledzieć sankcyjnuju palityku ZŠA

Pucin i Tramp havaryli praz telefon amal 2,5 hadziny16

Instahram Volhi Karač i supołku bresckich taksistaŭ dadali da śpisu «ekstremisckich materyjałaŭ»2

U Polščy źnik biełarus. Jon nie vychodzić na suviaź ź siamjoj i nie źjaŭlajecca na pracy4

«Puł pieršaha» adkazaŭ Ukrainie na «tarakana» 9

«Jon u siejfie ŭ biaśpiecy». Ci ŭdałosia za hod pradać skandalny hadzińnik Franaka Viačorki?14

Na fabrycy ŭ Słucku zahinuŭ elektramancior: jaho źbiŭ niedaśviedčany kiroŭca pahruzčyka

Pucin: Nie słuchajcie Piaskova, u jaho praca takaja2

Siłuet chmaračosa ŭžo vymaloŭvajecca. Jak ciapier vyhladaje šmatpakutny «Hazpram Centr» u Minsku FOTA5

bolš čytanych navin
bolš łajkanych navin

Muž hałoŭnaj hieraini prapahandysckaha filma BT skončyŭ žyćcio samahubstvam14

Muž hałoŭnaj hieraini prapahandysckaha filma BT skončyŭ žyćcio samahubstvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić