Telefonnaja razmova Pucina z Trampam stała samaj praciahłaj za ŭsiu historyju dvuchbakovych adnosin
CNN sa spasyłkaj na rasijskuju daśviedčanuju krynicu paviedamiła, što razmova Trampa i Pucina prajšła «vielmi dobra». Što ŭ heta akreśleńnie ŭkładajecca — pakul niezrazumieła.
Razmova pamiž Donaldam Trampam i Uładzimiram Pucinym pačałasia na hadzinu paźniej za zapłanavany čas, paviedamlaje Sky News. Pavodle źviestak kanała, Pucin śpiecyjalna prymusiŭ Trampa čakać sa zvankom, bieź śpieški razmaŭlajučy ŭ hety čas z rasijskimi biznesmienami.
Na minułym tydni pasłańnik Trampa Styŭ Uitkaf čakaŭ sustrečy z Pucinym u Maskvie kala 8 hadzin, tamu što toj mieŭ znosiny z Łukašenkam.
Uvohule ž razmova Trampa i Pucina stała samaj praciahłaj u historyi telefonnych razmoŭ prezidentaŭ ZŠA i Rasii, paviedamlaje Reuters. Pieramovy dvuch prezidentaŭ praciahvalisia kala 2,5 hadzin.
Kamientary