Śviet1515

Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku

Pres-sakratar Biełaha doma Kerałajn Livit adkazała jeŭradeputatu, jaki zaklikaŭ ZŠA viarnuć statuju Svabody Francyi.

Pres-sakratarka Biełaha doma Kerałajn Livit. Fota: Tom Williams/CQ-Roll Call, Inc via Getty Images

Kerołajn Livit zajaviła, što prezident ZŠA Donald Tramp nie źbirajecca viartać statuju Svabody. Pry hetym pres-sakratarka Biełaha doma zrabiła adsyłku da Druhoj suśvietnaj vajny.

«Ja b paraiła hetamu nienazvanamu francuzskamu palityku nizkaha ŭzroŭniu nahadać jamu, što tolki dziakujučy Złučanym Štatam Amieryki francuzy ciapier nie razmaŭlajuć pa-niamiecku», — skazała Livit na bryfinhu.

Vidavočna, pres-sakratarka Trampa mieła na ŭvazie vysadku sajuźnikaŭ u Narmandyi ŭ 1944 hodzie i vyzvaleńnie Francyi ad nacystaŭ. Paśla ŭspaminu Druhoj suśvietnaj vajny siarod reparcioraŭ prahučali hučnyja ŭzdychi, piša The New York Post.

Viarnuć statuju Svabody ŭ Francyju pryzvaŭ jeŭradeputat Rafael Hluksman. Jon zajaviŭ, što ZŠA «vyrašyli stać na bok tyranaŭ», zbliziŭšysia z Rasijaj.

U suviazi z hetym jeŭradeputat zaklikaŭ ZŠA viarnuć statuju Svabody. «My padaryli jaje vam, ale, zdajecca, vy joju pahardžajecie», — skazaŭ jon, źviartajučysia da amierykancaŭ.

Statuja Svabody była stvorana ŭ Francyi pad kiraŭnictvam skulptara Ahiusta Bartaldzi. Jana stała padarunkam ZŠA ad Francyi ŭ honar stohadovaha jubileju Vajny za niezaležnaść ZŠA, u jakoj francuzy padtrymali amierykancaŭ. 

Kamientary15

  • M
    18.03.2025
    Tolki dziakujučy Francyi isnuje takaja dziaržava jak ZŠA.
    P.s. uvohule žachliva, jak da ŭłady ŭ Amerycy pryjšło nieadukavanaje b...dła. Oj prabačcie, lapidarny dyktatar ahient Krasnoŭ
  • Ukrainski ahladalnik
    18.03.2025
    Madam pres-sakratarka vielmi "abaznanaja" ŭ historyi ZŠA, Francyi i Niamieččyny. U dalejšaj razmovie z žurnalistam padčas toj ža pres-kanfierencyi vyśvietliłasia, što pres-sakratarka vielmi niedaaceńvaje, abo prosta nie viedaje pra toj stanoŭčy ŭniosak Francyi, jaki apošniaja nadała farmavańniu niezaležnaści i suvierenitetu Złučanych štataŭ. Haniebnaja trampaŭskaja administracyja.
  • Astap
    18.03.2025
    Sučasnaja administracyja prezidžnta ZŠA musić za svaje dziejańni adkazvać, a nie leźci ŭ historyju da jakoj hetyja asoby nie majuć dačynieńnia.
    Zaraz, kali trampisty rušać demakratyju i ruchajucca ŭ bok aŭtarytaryzmu, pomnik Svaboda nie maje tam što rabić.

Ciapier čytajuć

ZŠA i Rasija zrabili zajavy paśla razmovy Trampa i Pucina15

ZŠA i Rasija zrabili zajavy paśla razmovy Trampa i Pucina

Usie naviny →
Usie naviny

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju17

Što adbyłosia z 16-hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry7

Dalar siońnia śpikiravaŭ adrazu na šeść kapiejek3

Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»9

Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

bolš čytanych navin
bolš łajkanych navin

ZŠA i Rasija zrabili zajavy paśla razmovy Trampa i Pucina15

ZŠA i Rasija zrabili zajavy paśla razmovy Trampa i Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić