Ekanomika

Košt aŭtamabilnaj strachoŭki ciapier budzie raźličvacca ŭ bazavych vieličyniach

Pres-słužba Alaksandra Łukašenki paviedamiła, što 18 sakavika jon padpisaŭ ukaz № 108 «Ab strachavańni». Dakumient, jak zajaŭlajecca, «pryvodzić u adpaviednaść z zakonam «Ab strachavoj dziejnaści» (ustupiŭ u siłu 1 studzienia 2025 hoda) asobnyja pravavyja akty».

Fota ilustracyjnaje

«U liku navacyj ukaza — nadańnie mahčymaści vypłačvać strachavyja ŭnioski (ažyćciaŭlać vypłaty) u bieznajaŭnaj formie z vykarystańniem sučasnych płaciežnych srodkaŭ; ustalavańnie ŭ bazavych vieličyniach (da hetaha byli ŭ jeŭra) strachavych sum i pamieraŭ strachavych unioskaŭ pa abaviazkovym strachavańni ŭładalnikaŭ transpartu, miedstrachavańni zamiežnych hramadzian z časovym znachodžańniem», — havorycca ŭ paviedamleńni.

Akramia hetaha, ukaz praduhledžvaje, što «damova abaviazkovaha strachavańnia hramadzianskaj adkaznaści ŭładalnikaŭ transpartnych srodkaŭ dapaŭniajecca dziejnaj u Biełarusi i Rasii damovaj sajuznaha strachavańnia».

«Vyznačajecca paradak strachavych vypłat paciarpiełym u vyniku DTZ u vypadkach, kali pieravozčyk nie zaklučyŭ damovu abaviazkovaha strachavańnia adkaznaści pierad pasažyram i niemahčyma spahnać škodu ŭ sudovym paradku. U vypadku vypłat kiroŭcam za košt srodkaŭ harantyjnych fondaŭ dadadziena pryčynieńnie škody žyćciu abo zdaroŭju ŭ vyniku DTZ z udziełam dzikich žyvioł niezaležna ad viny kiroŭcy», — adznačajecca ŭ relizie.

Ukazam «nadajecca mahčymaść ažyćciaŭleńnia vypłat strachavoj kampiensacyi na adras nierezidenta ŭ zamiežnaj valucie ŭ ramkach damovy strachavańnia hramadzianskaj adkaznaści rezidenta pa ekspartnym kantrakcie».

«Dla abaviazkovaha strachavańnia ad niaščasnych vypadkaŭ na vytvorčaści i prafiesijnych zachvorvańniaŭ ustanoŭlenyja hraničnyja pamiery sum, jakija mohuć być spahnanyja «Biełdziaržstracham» ź vinavatych u pryčynieńni škody zastrachavanym asobam u košt vypłačanaha im strachavoha zabieśpiačeńnia (pry pryčynieńni škody naŭmysna — 2 tys. bazavych vieličyń, biez namieru — 500). Sproščanyja ŭmovy atrymańnia strachavalnikam rasterminoŭki ŭ vypłacie praterminavanych strachavych unioskaŭ, štrafaŭ, pieniaŭ», — zajaŭlaje pres-słužba Łukašenki.

Taksama ŭkazam «uviedzieny šerah abmiežavańniaŭ u dziejnaści strachavych pasiarednikaŭ».

Raniej paviedamlałasia, što z 1 studzienia na terytoryi Biełarusi pačaŭ dziejničać adziny z Rasijaj polis ASAHA (abaviazkovaje strachavańnie aŭtahramadzianskaj adkaznaści).

Kamientary

Ciapier čytajuć

ZŠA i Rasija zrabili zajavy paśla razmovy Trampa i Pucina17

ZŠA i Rasija zrabili zajavy paśla razmovy Trampa i Pucina

Usie naviny →
Usie naviny

Jakim budzie novy histaryčny muziej Biełarusi3

«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju17

Što adbyłosia z 16-hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry7

Dalar siońnia śpikiravaŭ adrazu na šeść kapiejek3

Karpiankoŭ raskazaŭ, jak uzmacnili achovu kałonij — «źbiehčy praktyčna niemahčyma»9

Eks-adnakłubnik biełarusa z Makiedonii zahinuŭ, kali ratavaŭ ludziej z pažaru načnoha kłuba, dzie zahinuli 59 čałaviek

Što ŭkazvaje na vysokuju ryzyku suicydu ŭ čałavieka, jaki pra heta kaža? Adkazvaje psichijatr4

Stała viadoma pra śmierć 41-hadovaha byłoha palitviaźnia z Hrodna Alaksieja Aŭsiukieviča13

Śpis mierapryjemstvaŭ da Dnia Voli na vyhnańni3

bolš čytanych navin
bolš łajkanych navin

ZŠA i Rasija zrabili zajavy paśla razmovy Trampa i Pucina17

ZŠA i Rasija zrabili zajavy paśla razmovy Trampa i Pucina

Hałoŭnaje
Usie naviny →

Zaŭvaha:

 

 

 

 

Zakryć Paviedamić