Hramadstva33

«Za hod my tak i nie daviedalisia, za što kankretna była asudžanaja Kacia Andrejeva»

Muž źniavolenaj žurnalistki Kaciaryny Andrejevaj raskazaŭ «Narodnaj Voli» pra apošnija naviny ad žonki. 

Kaciaryna Andrejeva padčas pieršaha suda. Luty 2021 hoda

Kaciaryna Andrejeva razam z Darjaj Čulcovaj byli zatrymanyja 15 listapada 2020 hoda. Jaje asudzili na dva hady źniavoleńnia ŭ kałonii ahulnaha režymu.

Kaciaryna pavinna była vyjści na volu 5 vieraśnia 2022 hoda, adnak 7 krasavika taho hoda siamji žurnalistki stała viadoma, što joj vystavili novaje abvinavačvańnie. 13 lipienia 2022 hoda Homielski abłasny sud prysudziŭ Kaciarynie 8 hadoŭ i 3 miesiacy kałonii za «zdradu dziaržavie».

Adbyvaje pakarańnie Kaciaryna ŭ Homielskaj kałonii.

— Apošnim časam suviaź z Kaciaj, dziakuj Bohu, narmalnaja, — dzielicca Ihar Iljaš, muž žurnalistki. — I listy dachodziać, i advakata prapuskajuć, i telefanuje dadomu z kałonii.

Taksama na minułym tydni ja biez prablem advioz žoncy vialikuju charčovuju pieradaču na 50 kiłahram. Takaja dazvalajecca raz na try miesiacy.

— Pieradajacie tradycyjny nabor ci žonka niešta prosić admysłova?

— Časam štości prosić, ale ŭ asnoŭnym ja farmuju pieradaču na svoj hust. Kaŭbasa, miasa, ryba, šakaład i cukierki, piačeńnie… I ŭsiaho hetaha davoli šmat, bo 50 kiłahram — heta 6-7 vialikich sumak.

Praŭda, apošnim razam Kacia paprasiła raznastaić nabor praduktaŭ, dasłać joj toje, što jašče nie sprabavała.

Ale treba adznačyć, što niaredka siabry pieradajuć joj, u tym liku i z zamiežža, niejkija prysmaki: cukierki, šakaład. I heta taksama zaŭsiody vielmi pryjemna i važna dla žonki.

— A knihi možna dasyłać?

— Nielha, ale Kacia zaŭsiody adznačaje, što ŭ kałonii vielmi dobraja biblijateka. Tam niebłahi vybar knih, jość što pačytać.

— Jak jaje zdaroŭje?

— Byccam by nie skardzicca. Viasnoj u jaje byŭ vostry alerhičny pieryjad, ale ciapier užo ŭsio narmalna.

— 13 lipienia spoŭnicca hod, jak Kaciarynie byŭ vyniesieny druhi prysud…

— Mahu kanstatavać, što za hety čas my tak i nie daviedalisia, za što kankretna była asudžanaja Kacia i za što joj dali taki vializny termin źniavoleńnia.

Kamientary3

  • mikola
    05.07.2023
    Spaczuvaiu. Trymacca ! Tolki- *Zdrada Dzjarzave*-geta Sur*iozna....Bez jae (zurnalistki) hapae *zdradnikau*.....
  • daviedka
    05.07.2023
    Eto miesť jej za kommientarij v rasśledovanii rośsijskoho kanała «Dožd́» pro dievušiek iz eskorta Łukašienko.
  • Mojša
    05.07.2023
    Jak vyjdzie, raskaža, škada što čakać doŭha.

Ciapier čytajuć

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia21

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Usie naviny →
Usie naviny

Kašalok Łukašenki staŭ uładalnikam brendu muzyčnaha fiestyvalu, kudy zaprašajuć rasijskich Z-śpievakoŭ4

«Litva — zona kamfortu». Jak 21-hadovaja biełaruska biaspłatna vučycca ŭ techničnym univiersitecie i pracuje ŭ IT4

Što chavajecca za bananavaj industryjaj Kosta-Ryki. U Jeŭropu traplajuć «čystyja» banany, ale chto raspłačvajecca za heta?13

Kala stancyi mietro «Puškinskaja» zdaryłasia masavaja avaryja4

Cichanoŭskaja pra prapahandyscki film BT: My nikoli nie budziem ryzykavać ludźmi25

U Minskaj vobłaści — vybuch atručvańniaŭ surahatnym ałkaholem. U hetym hodzie ŭžo 4 čałavieki zahinuli ad jaho1

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža3

Pucin nazvaŭ umovu, kali Rasija nie budzie pretendavać na Adesu i inšyja ŭkrainskija harady30

Prakapienia pradaŭ kryptabiržu Currency ź biełaruskimi karaniami inviestaram3

bolš čytanych navin
bolš łajkanych navin

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia21

Aktyvistka Nasta Bazar paprasiła ŭ siabroŭ hrošy na žyćcio. Mierkavańni radykalna padzialilisia

Hałoŭnaje
Usie naviny →

Zaŭvaha:

 

 

 

 

Zakryć Paviedamić